Анна Данченко мемлекеттік «Құрмет» орденінің иегері атанды. Бұл туралы ол әлеуметтік желідегі парақшасында жазды, деп хабарлайды ult.kz.
Данченко марапатты ең алдымен өмірге әкеліп, тәрбиелеген ата-анасына арнайтынын айтты. Оның сөзінше, бүгінгі жетістігінің артында әке-шешесінің батасы, сенімі мен махаббаты жатыр.
«Бұл марапат — мені тәрбиелеген қазақы ортаның, бойыма сіңген ұлттық тәрбиенің, жүрегіме жақын қазақ тіліне деген шексіз құрметімнің де жемісі», — деп жазды ол.
Сондай-ақ Анна Данченко қазақ тілі өзі үшін жай ғана қарым-қатынас құралы емес, болмысының бір бөлігі екенін атап өтті.
Ол марапатты үлкен жауапкершілік деп қабылдайтынын айтып, елі мен халқына алғысын білдірді.
Оқи отырыңыз: Анна Данченко перзенттік парыз туралы айтты
