26 қаң, 2022 сағат 12:54

"Самұрық-Қазына" басшылығы ойланбай шешім қабылдап жатыр - депутат

Мәжіліс депутаты Аманжан Жамалов "Самұрық-Қазына" басшылығы сасқалақтап, ойланбай әрі кенет шешім қабылдап жатқанын мәлімдеді, - деп хабарлайды Tengrinews.kz.

"Мемлекет басшысы "Самұрық-Қазына" қорының жұмысын қайта қарауды тапсырды. Қоғамда қор тағдыры туралы қызу пікірталас басталды. Мамандардың құзыретті және кәсіби пікірлері хайпты жуып-шайып жатқаны алаңдатады. Қор басшылығы сасқалақтап, ауыр зардаптарға әкелуі мүмкін асығыс әрі күтпеген шешімдер қабылдап жатқанын көріп отырмыз. Қорды жаңғыртуға қатысты жоспарлы жұмысқа қайта оралу қажет деп санаймыз", - деді Жамалов премьер-министр Әлихан Смайыловтың атына жолдаған сауалында.

Ол "Самұрық-Қазына" құрылған кезде ұлттық компанияларды кәсіби корпоративтік басқару арқылы қызмет тиімділігін арттыру мақсаты қойылғанын нақтылады.

"Әңгіме кіріс және мемлекеттік бюджетке аударымдарды арттыру туралы болып отыр. Бүгінде осы уақыт ішінде "Самұрық" компаниясынан мемлекеттік бюджетке түсетін дивиденд көлемі олардың инвестициялық жобаларына бюджеттен бөлінген қаражаттан айтарлықтай аз болғанын көріп отырмыз. Мысалы, 2019 жылы "Самұрық" бюджетке 120 миллиард теңге дивиденд төледі. Ал таза пайда 1,4 триллион теңге болды", - деді Жамалов.

Оның айтуынша, осы уақыт ішінде қор құрылымы күрделі болып, үкіметтің қызметін өзгертті.

"Бүгінде қордағы үлесті әрбір азаматқа беру туралы ұсыныстар айтылып жатыр. Бір қарағанда, идея қызықтырарлықтай. Алайда есептесек, "Самұрықтың" қаржылық жағдайында осындай үлестен түсетін табыс айына бір адамға небәрі 500 теңге болады", - деді депутат.

Ұсыныс арасында Жамалов алдымен барлық бейінді компаниялар жұмысының тиімділігін бағалауды, оларды қаржылық жағынан ретке келтіруді және содан кейін ғана IPO-ға шығаруды ұсынды. Оның айтуынша, бұл істелмесе, азаматтар өздеріне не ұсынылатынын білмейді, яғни нақты инвестициялық кіріс немесе үлкен қарыз екенін айыра алмайды.

"Самұрық-Қазына" қарызы 7,5 триллион теңгеден асады, бұл - шамамен 18 миллиард доллар. Қордың сырттағы қарызын еске алу қажет. "Самұрықтан" шығарылған еурооблигациялар мен ұлттық компаниялар алған сыртқы қарыздар негізгі борышты уақтылы қайтаруды, пайыздарды, айыппұлдар мен өсімпұлдарды өтеуді көздейтінін есте сақтау қажет", - деді мәжілісмен.