Májilis depýtaty Amanjan Jamalov "Samuryq-Qazyna" basshylyǵy sasqalaqtap, oilanbai ári kenet sheshim qabyldap jatqanyn málimdedi, - dep habarlaidy Tengrinews.kz.
"Memleket basshysy "Samuryq-Qazyna" qorynyń jumysyn qaita qaraýdy tapsyrdy. Qoǵamda qor taǵdyry týraly qyzý pikirtalas bastaldy. Mamandardyń quzyretti jáne kásibi pikirleri haipty jýyp-shaiyp jatqany alańdatady. Qor basshylyǵy sasqalaqtap, aýyr zardaptarǵa ákelýi múmkin asyǵys ári kútpegen sheshimder qabyldap jatqanyn kórip otyrmyz. Qordy jańǵyrtýǵa qatysty josparly jumysqa qaita oralý qajet dep sanaimyz", - dedi Jamalov premer-ministr Álihan Smaiylovtyń atyna joldaǵan saýalynda.
Ol "Samuryq-Qazyna" qurylǵan kezde ulttyq kompaniialardy kásibi korporativtik basqarý arqyly qyzmet tiimdiligin arttyrý maqsaty qoiylǵanyn naqtylady.
"Áńgime kiris jáne memlekettik biýdjetke aýdarymdardy arttyrý týraly bolyp otyr. Búginde osy ýaqyt ishinde "Samuryq" kompaniiasynan memlekettik biýdjetke túsetin dividend kólemi olardyń investitsiialyq jobalaryna biýdjetten bólingen qarajattan aitarlyqtai az bolǵanyn kórip otyrmyz. Mysaly, 2019 jyly "Samuryq" biýdjetke 120 milliard teńge dividend tóledi. Al taza paida 1,4 trillion teńge boldy", - dedi Jamalov.
