6 qarashada Qazaqstannyń batysy men soltústik-batysynda jańbyr men qar jaýyp, kei jerlerde jaýyn-shashyn kúsheiedi, dep habarlaidy ult.kz.
Batys, soltústik-batys jáne soltústik óńirlerde kóktaiǵaq bolyp, túnde jáne tańerteń tuman túsedi. Eldiń shyǵysy men soltústik-shyǵysynda negizinen jaýyn-shashynsyz aýa raiy saqtalady.
Astanada kún qubylmaly bultty bolyp, keshke qarai azdaǵan jańbyr jaýady. Aýa temperatýrasy túnde +1…+3°S, kúndiz +10…+12°S bolady. Ońtústikten soǵatyn jeldiń jyldamdyǵy 9–14 m/s, tańerteń jáne kúndiz ekpini 15–20 m/s-qa jetedi.
Almatyda jaýyn-shashyn bolmaidy. Túnde aýa temperatýrasy +1…+3°S-qa deiin tómendep, kúndiz +15…+17°S-qa deiin kóteriledi. Ońtústik-shyǵystan 3–8 m/s jel soǵady.
Shymkentte tańerteń jáne kúndiz jańbyr jaýady. Túnde +8…+10°S, kúndiz +21…+23°S kútiledi. Ońtústik-shyǵystan soǵatyn jeldiń jyldamdyǵy 5–10 m/s bolady.
Aqmola jáne Qostanai oblystarynda jeldiń ekpini 23–28 m/s-qa deiin kúsheiedi. Qostanai men Batys Qazaqstan oblystarynda jańbyr men qar jaýyp, tuman jáne kóktaiǵaq kútiledi. Jambyl oblysynda kúndiz +19…+24°S-qa deiin jylynsa, Shyǵys Qazaqstannyń taýly aýdandarynda túnde −10°S-qa deiin sýytady.
