مەجٸلٸس دەپۋتاتى امانجان جامالوۆ "سامۇرىق-قازىنا" باسشىلىعى ساسقالاقتاپ, ويلانباي ەرٸ كەنەت شەشٸم قابىلداپ جاتقانىن مەلٸمدەدٸ, - دەپ حابارلايدى Tengrinews.kz.
"مەملەكەت باسشىسى "سامۇرىق-قازىنا" قورىنىڭ جۇمىسىن قايتا قاراۋدى تاپسىردى. قوعامدا قور تاعدىرى تۋرالى قىزۋ پٸكٸرتالاس باستالدى. مامانداردىڭ قۇزىرەتتٸ جەنە كەسٸبي پٸكٸرلەرٸ حايپتى جۋىپ-شايىپ جاتقانى الاڭداتادى. قور باسشىلىعى ساسقالاقتاپ, اۋىر زارداپتارعا ەكەلۋٸ مٷمكٸن اسىعىس ەرٸ كٷتپەگەن شەشٸمدەر قابىلداپ جاتقانىن كٶرٸپ وتىرمىز. قوردى جاڭعىرتۋعا قاتىستى جوسپارلى جۇمىسقا قايتا ورالۋ قاجەت دەپ سانايمىز", - دەدٸ جامالوۆ پرەمەر-مينيستر ەليحان سمايىلوۆتىڭ اتىنا جولداعان ساۋالىندا.
ول "سامۇرىق-قازىنا" قۇرىلعان كەزدە ۇلتتىق كومپانييالاردى كەسٸبي كورپوراتيۆتٸك باسقارۋ ارقىلى قىزمەت تيٸمدٸلٸگٸن ارتتىرۋ ماقساتى قويىلعانىن ناقتىلادى.
"ەڭگٸمە كٸرٸس جەنە مەملەكەتتٸك بيۋدجەتكە اۋدارىمداردى ارتتىرۋ تۋرالى بولىپ وتىر. بٷگٸندە وسى ۋاقىت ٸشٸندە "سامۇرىق" كومپانيياسىنان مەملەكەتتٸك بيۋدجەتكە تٷسەتٸن ديۆيدەند كٶلەمٸ ولاردىڭ ينۆەستيتسييالىق جوبالارىنا بيۋدجەتتەن بٶلٸنگەن قاراجاتتان ايتارلىقتاي از بولعانىن كٶرٸپ وتىرمىز. مىسالى, 2019 جىلى "سامۇرىق" بيۋدجەتكە 120 ميلليارد تەڭگە ديۆيدەند تٶلەدٸ. ال تازا پايدا 1,4 تريلليون تەڭگە بولدى", - دەدٸ جامالوۆ.
