Kaspiidegi qaiǵyly oqiǵadan keiin ustalǵan Áskeri-teńiz kúshteri bas qolbasshysynyń birinshi orynbasary Daniiar Hairýshevtiń áieli áleýmettik jelide málimdeme jasady, dep habarlaidy ult.kz.
Ol tergeý aiaqtalmai turyp kúieýin kináli dep ataýǵa bolmaitynyn aityp, isti ádil ári obektivti qaraýdy surady.
«Meniń kúieýim kináli emes. Ol búkil ómirin Otanǵa qyzmet etýge arnady jáne osy jyldar boiy óz mindetin abyroimen atqardy. Ony bireýdiń sózi men joramaldaryna súienip aiyptamai, aldymen óz ýájin aitýǵa múmkindik berý kerek.
Men erekshe qarym-qatynas suramaimyn. Tek ádil ári obektivti tergeý júrgizilýin qalaimyn. Eger oǵan qatysty qandai da bir talap nemese aiyp bolsa, ol naqty aitylyp, faktilermen rastalýy kerek.
Barlyq mán-jai anyqtalǵanǵa deiin asyǵys qorytyndy jasamaýdy, onyń ar-namysy men qadir-qasietine nuqsan keltirmeýdi jáne ony kináli dep atamaýdy suraimyn. Biz ashyq áńgimege daiynbyz, biraq ol qurmet pen zań talaptary aiasynda júrgizilýi kerek», – dep jazdy ol.
Buǵan deiin Qorǵanys ministrligi Daniiar Hairýshevtiń ustalǵanyn rastaǵan bolatyn. Ol Kaspii teńizindegi áskeri oqý-jattyǵý kezinde bolǵan qaiǵyly jaǵdaiǵa qatysty tergelip jatqan qylmystyq is boiynsha kúdiktilerdiń biri.
Aita keteiik, Daniiar Hairýshev biyl mamyr aiynda áskerdiń joǵary jaýyngerlik ázirligin qamtamasyz etýge qosqan úlesi men qyzmettegi jetistikteri úshin Baýyrjan Momyshuly atyndaǵy II dárejeli «Aibyn» ordenimen marapattalǵan.
Aita keteiik, buǵan deiin Hairýshevtiń qyzy da el aldyna shyqqan bolatyn.
https://www.threads.com/share/BCL7g4IJEe/
Taǵy kim ustaldy?
Kaspiidegi áskeri oqý-jattyǵý kezindegi qaiǵyly oqiǵaǵa bailanysty bes áskeri qyzmetshi ustaldy.
Ishki ister ministrliginiń málimetinshe, ustalǵandar qatarynda Áskeri-teńiz kúshteri bas qolbasshysynyń birinshi orynbasary – shtab bastyǵy, eki áskeri bólimniń komandiri, teńiz jaiaý áskerleri rotasynyń jáne «Qaisar» kateriniń komandiri bar.
Olardyń barlyǵyna qyzmetke salǵyrt qaraý jáne aýyr zardaptarǵa ákep soqqan keme júrgizý qaǵidalaryn buzý boiynsha kúdik keltirilip otyr. Kúdiktiler Aqtaý qalasy politsiia basqarmasynyń ýaqytsha ustaý izoliatoryna qamaldy.
Qazir áskeri-tergeý bólimshesi sotqa deiingi tergeý júrgizip jatyr. Tergeý barysynda oqý-jattyǵýdy uiymdastyrý, qaýipsizdik talaptarynyń saqtalýy, aýa raiy jaǵdaiynyń eskerilýi jáne jaýapty laýazymdy tulǵalardyń áreketteri tekserilýde.
Sondai-aq, Mańǵystaý oblysyndaǵy Kaspii teńizinde bolǵan qaiǵyly oqiǵaǵa qatysty jalǵan aqparat taratqan birqatar adam jaýapqa tartyldy.
Ortalyq kommýnikatsiialar qyzmeti janyndaǵy Dezinformatsiiaǵa qarsy kúres ortalyǵy áleýmettik jelilerde Kaspiidegi tragediiaǵa qatysty rastalmaǵan aqparattardyń taralýy jalǵasyp jatqanyn málimdedi.
Eske salaiyq, áskeri oqý-jattyǵý kezinde Kaspii teńizinde 14 áskeri qyzmetshi qaza taýyp, taǵy úsheýi qutqarylǵan bolatyn.
Ortalyqtyń málimetinshe, áleýmettik jelilerde oqiǵaǵa qatysy joq arhivtik videolar, basqa elderde túsirilgen materialdar, jasandy intellekt kómegimen jasalǵan kontent jáne oqiǵanyń sebepterine qatysty rastalmaǵan nusqalar taraǵan. Sondai-aq mamandar jańadan ashylǵan anonimdi akkaýnttar men úilestirilgen áreket belgileri bar jazbalardy anyqtaǵan.
