كاسپييدەگٸ قايعىلى وقيعادان كەيٸن ۇستالعان ەسكەري-تەڭٸز كٷشتەرٸ باس قولباسشىسىنىڭ بٸرٸنشٸ ورىنباسارى دانييار حايرۋشەۆتٸڭ ەيەلٸ ەلەۋمەتتٸك جەلٸدە مەلٸمدەمە جاسادى, دەپ حابارلايدى ult.kz.

ول تەرگەۋ اياقتالماي تۇرىپ كٷيەۋٸن كٸنەلٸ دەپ اتاۋعا بولمايتىنىن ايتىپ, ٸستٸ ەدٸل ەرٸ وبەكتيۆتٸ قاراۋدى سۇرادى.

«مەنٸڭ كٷيەۋٸم كٸنەلٸ ەمەس. ول بٷكٸل ٶمٸرٸن وتانعا قىزمەت ەتۋگە ارنادى جەنە وسى جىلدار بويى ٶز مٸندەتٸن ابىرويمەن اتقاردى. ونى بٸرەۋدٸڭ سٶزٸ مەن جورامالدارىنا سٷيەنٸپ ايىپتاماي, الدىمەن ٶز ۋەجٸن ايتۋعا مٷمكٸندٸك بەرۋ كەرەك.

مەن ەرەكشە قارىم-قاتىناس سۇرامايمىن. تەك ەدٸل ەرٸ وبەكتيۆتٸ تەرگەۋ جٷرگٸزٸلۋٸن قالايمىن. ەگەر وعان قاتىستى قانداي دا بٸر تالاپ نەمەسە ايىپ بولسا, ول ناقتى ايتىلىپ, فاكتٸلەرمەن راستالۋى كەرەك.

بارلىق مەن-جاي انىقتالعانعا دەيٸن اسىعىس قورىتىندى جاساماۋدى, ونىڭ ار-نامىسى مەن قادٸر-قاسيەتٸنە نۇقسان كەلتٸرمەۋدٸ جەنە ونى كٸنەلٸ دەپ اتاماۋدى سۇرايمىن. بٸز اشىق ەڭگٸمەگە دايىنبىز, بٸراق ول قۇرمەت پەن زاڭ تالاپتارى اياسىندا جٷرگٸزٸلۋٸ كەرەك», – دەپ جازدى ول.

بۇعان دەيٸن قورعانىس مينيسترلٸگٸ دانييار حايرۋشەۆتٸڭ ۇستالعانىن راستاعان بولاتىن. ول كاسپيي تەڭٸزٸندەگٸ ەسكەري وقۋ-جاتتىعۋ كەزٸندە بولعان قايعىلى جاعدايعا قاتىستى تەرگەلٸپ جاتقان قىلمىستىق ٸس بويىنشا كٷدٸكتٸلەردٸڭ بٸرٸ.

ايتا كەتەيٸك, دانييار حايرۋشەۆ بيىل مامىر ايىندا ەسكەردٸڭ جوعارى جاۋىنگەرلٸك ەزٸرلٸگٸن قامتاماسىز ەتۋگە قوسقان ٷلەسٸ مەن قىزمەتتەگٸ جەتٸستٸكتەرٸ ٷشٸن باۋىرجان مومىشۇلى اتىنداعى II دەرەجەلٸ «ايبىن» وردەنٸمەن ماراپاتتالعان.

ايتا كەتەيٸك, بۇعان دەيٸن حايرۋشەۆتٸڭ قىزى دا ەل الدىنا شىققان بولاتىن. 

https://www.threads.com/share/BCL7g4IJEe/

تاعى كٸم ۇستالدى? 
 

كاسپييدەگٸ ەسكەري وقۋ-جاتتىعۋ كەزٸندەگٸ قايعىلى وقيعاعا بايلانىستى بەس ەسكەري قىزمەتشٸ ۇستالدى.

ٸشكٸ ٸستەر مينيسترلٸگٸنٸڭ مەلٸمەتٸنشە, ۇستالعاندار قاتارىندا ەسكەري-تەڭٸز كٷشتەرٸ باس قولباسشىسىنىڭ بٸرٸنشٸ ورىنباسارى – شتاب باستىعى, ەكٸ ەسكەري بٶلٸمنٸڭ كومانديرٸ, تەڭٸز جاياۋ ەسكەرلەرٸ روتاسىنىڭ جەنە «قايسار» كاتەرٸنٸڭ كومانديرٸ بار.

ولاردىڭ بارلىعىنا قىزمەتكە سالعىرت قاراۋ جەنە اۋىر زارداپتارعا ەكەپ سوققان كەمە جٷرگٸزۋ قاعيدالارىن بۇزۋ بويىنشا كٷدٸك كەلتٸرٸلٸپ وتىر. كٷدٸكتٸلەر اقتاۋ قالاسى پوليتسييا باسقارماسىنىڭ ۋاقىتشا ۇستاۋ يزولياتورىنا قامالدى.

قازٸر ەسكەري-تەرگەۋ بٶلٸمشەسٸ سوتقا دەيٸنگٸ تەرگەۋ جٷرگٸزٸپ جاتىر. تەرگەۋ بارىسىندا وقۋ-جاتتىعۋدى ۇيىمداستىرۋ, قاۋٸپسٸزدٸك تالاپتارىنىڭ ساقتالۋى, اۋا رايى جاعدايىنىڭ ەسكەرٸلۋٸ جەنە جاۋاپتى لاۋازىمدى تۇلعالاردىڭ ەرەكەتتەرٸ تەكسەرٸلۋدە. 

سونداي-اق,  ماڭعىستاۋ وبلىسىنداعى كاسپيي تەڭٸزٸندە بولعان قايعىلى وقيعاعا قاتىستى جالعان اقپارات تاراتقان بٸرقاتار ادام جاۋاپقا تارتىلدى. 
ورتالىق كوممۋنيكاتسييالار قىزمەتٸ جانىنداعى دەزينفورماتسيياعا قارسى كٷرەس ورتالىعى ەلەۋمەتتٸك جەلٸلەردە كاسپييدەگٸ تراگەديياعا قاتىستى راستالماعان اقپاراتتاردىڭ تارالۋى جالعاسىپ جاتقانىن مەلٸمدەدٸ.

ەسكە سالايىق, ەسكەري وقۋ-جاتتىعۋ كەزٸندە كاسپيي تەڭٸزٸندە 14 ەسكەري قىزمەتشٸ قازا تاۋىپ, تاعى ٷشەۋٸ قۇتقارىلعان بولاتىن.

ورتالىقتىڭ مەلٸمەتٸنشە, ەلەۋمەتتٸك جەلٸلەردە وقيعاعا قاتىسى جوق ارحيۆتٸك ۆيدەولار, باسقا ەلدەردە تٷسٸرٸلگەن ماتەريالدار, جاساندى ينتەللەكت كٶمەگٸمەن جاسالعان كونتەنت جەنە وقيعانىڭ سەبەپتەرٸنە قاتىستى راستالماعان نۇسقالار تاراعان. سونداي-اق ماماندار جاڭادان اشىلعان انونيمدٸ اككاۋنتتار مەن ٷيلەستٸرٸلگەن ەرەكەت بەلگٸلەرٸ بار جازبالاردى انىقتاعان.