Теміртауда жолдың белгіленбеген бөлігінен өткен жаяу жүргіншіні көлік қағып, салдарынан ер адам оқиға орнында көз жұмды, деп хабарлайды "Ұлт ақпарат" Polisia.kz Telegram-арнасына сілтеме жасап.
"Оқиға кеше, 21 сәуір сағат 21:25 шамасында болған. Чернышевский көшесінің жаяу жүргіншілер өтуге болмайтын бөлігінен жолды қиып өткен жолаушыны көлік қағып кетті. Hyundai Creta маркалы автокөлікті 20 жастағы азамат жүргізген", - делінген хабарламада.
Жол апаты салдарынан 40 жастағы жаяу жүргінші оқиға орнында қайтыс болды.
Аталған дерек полицияда тіркелді және тиісті сараптамалар белгіленді. Сараптама қорытындысы бойынша нақты шешім қабылданады.
