Temirtaýda joldyń belgilenbegen bóliginen ótken jaiaý júrginshini kólik qaǵyp, saldarynan er adam oqiǵa ornynda kóz jumdy, dep habarlaidy "Ult aqparat" Polisia.kz Telegram-arnasyna silteme jasap.
"Oqiǵa keshe, 21 sáýir saǵat 21:25 shamasynda bolǵan. Chernyshevskii kóshesiniń jaiaý júrginshiler ótýge bolmaityn bóliginen joldy qiyp ótken jolaýshyny kólik qaǵyp ketti. Hyundai Creta markaly avtokólikti 20 jastaǵy azamat júrgizgen", - delingen habarlamada.
Jol apaty saldarynan 40 jastaǵy jaiaý júrginshi oqiǵa ornynda qaitys boldy.
Atalǵan derek politsiiada tirkeldi jáne tiisti saraptamalar belgilendi. Saraptama qorytyndysy boiynsha naqty sheshim qabyldanady.
