23 qazanda Qazaqstannyń birqatar óńirinde qar jaýyp, boran soǵady jáne kóktaiǵaq bolady. Shyǵys pen ońtústik-shyǵystyń taýly aýdandarynda qalyń qar kútiledi, dep habarlaidy ult.kz.
Astanada aitarlyqtai jaýyn-shashyn bolmaidy. Túnde −3…−5, kúndiz 0…+2 gradýs bolady. Almatyda túnde jańbyr men jylbysqy qar jaýyp, tuman túsedi. Aýa temperatýrasy túnde 0…+2, kúndiz +8…+10 gradýs. Shymkentte jaýyn-shashynsyz, túnde +3…+5, kúndiz +16…+18 gradýs bolady. Jeldiń ekpini 15–20 m/s-qa jetedi.
Abai jáne Shyǵys Qazaqstan oblystarynda qar, boran men kóktaiǵaq kútiledi. Qaraǵandy, Pavlodar jáne Soltústik Qazaqstan oblystarynda da qar jaýyp, joldar taiǵaq bolady. Almaty men Jetisý oblystarynyń taýly aýdandarynda qalyń qar jaýady. Alakól mańynda jeldiń ekpini kúndiz 30 m/s-qa jetip, keide odan da asady.
Qyzylorda men Mańǵystaý oblystarynyń kei bólikterinde shańdy daýyl soǵady. Túrkistan oblysynda jeldiń ekpini 23–28 m/s-qa deiin kúsheiedi. Aqtóbe, Atyraý, Batys Qazaqstan jáne Qostanai oblystarynda jaýyn-shashyn kútilmeidi.
