Almatynyń Shańyraq-1 shaǵynaýdanyndaǵy Aqyn Sara kóshesinde turǵyndardyń serýendep, tynyǵýyna arnalǵan jańa qoǵamdyq keńistik kórkeitildi.
Joba «Halyq qatysatyn biýdjet» baǵdarlamasy aiasynda júzege asyryldy. Bul baǵdarlama qala turǵyndaryna shaǵynaýdandaryn kórkeitý boiynsha bastamasyn usynýǵa múmkindik beredi.
Skver aýmaǵynda júrginshi joly salynyp, demalýǵa arnalǵan oryndyqtar men jaryq shamdary ornatyldy, sondai-aq kógal tóseldi.
Endi shaǵynaýdan turǵyndary serýendep, otbasymen ýaqyt ótkizip, taza aýada tynyǵýǵa bolatyn taǵy bir kórikti orynǵa ie boldy.
Eske salaiyq, «Halyq qatysatyn biýdjet» baǵdarlamasyna ótinim qabyldaý 1 qarashaǵa deiin jalǵasady.
Turǵyndar aýla men qoǵamdyq keńistikterdi kóriktendirýge baǵyttalǵan jobasyn usynyp, aýdanynyń damýyna úles qosa alady.
Foto: Almaty qalasy ákimdigi
Foto: Almaty qalasy ákimdigi
