Almatynyń Medeý aýdanyndaǵy úsh qabatty turǵyn úide gaz-aýa qospasy jarylyp, eki kámeletke tolmaǵan bala zardap shekti, dep habarlaidy ult.kz.
Oqiǵa 22 qazanda Qapparov kóshesinde bolǵan. Qalalyq ákimdiktiń málimetinshe, gaz-aýa qospasy jarylǵanymen, artynsha órt shyqpaǵan.
«Aldyn ala málimet boiynsha, oqiǵaǵa tabiǵi gazdyń shyǵýy sebep bolýy múmkin», – dep habarlady ákimdik baspasóz qyzmeti.
Oqiǵa saldarynan eki bala jeńil jaraqat alǵan. Qazir olarǵa qajetti meditsinalyq kómek kórsetilip jatyr.
Oqiǵa ornynda jaýapty qyzmetter jumys istep jatyr. Mamandar tótenshe jaǵdaidyń naqty sebebi men mán-jaiyn anyqtaýda.
