2026 жылғы 30 мамыр мен 1 маусым аралығында Қазақстанның бірнеше өңірінде ауа райы құбылмалы болады, деп хабарлайды ult.kz.
Синоптиктердің болжауынша, атмосфералық фронтальды бөліктердің өтуіне байланысты елдің солтүстігінде, батысында және оңтүстігінде жаңбыр жауып, найзағай ойнайды.
Әсіресе 30-31 мамыр күндері Батыс Қазақстан, Атырау, Маңғыстау, Ақтөбе және Қостанай облыстарында ауа райының қолайсыз құбылыстары күтіледі. Аталған өңірлерде қатты жаңбыр жауып, кей жерлерде бұршақ түсіп, желдің екпіні күшеюі мүмкін.
Республиканың қалған аумағында жауын-шашынсыз ауа райы басым болады. Дегенмен ел бойынша желдің күшеюі болжанып отыр. Ал оңтүстік өңірлерде шаңды дауылдың болуы ықтимал.
Алдағы күндері ауа температурасы да жоғары деңгейде сақталады. Күндіз батыс өңірлерде ауа температурасы +20…+25 градусқа дейін көтерілсе, солтүстік, шығыс және орталық аймақтарда +23…+38 градусқа дейін жылынады. Оңтүстік өңірлерде аптап ыстық сақталып, сынап бағаны +30…+40 градусқа дейін жетеді.
Мамандар тұрғындарға ауа райының өзгеруіне байланысты қауіпсіздік шараларын сақтап, дауылды ескертулерді қадағалап отыруға кеңес береді.
