2026 جىلعى 30 مامىر مەن 1 ماۋسىم ارالىعىندا قازاقستاننىڭ بٸرنەشە ٶڭٸرٸندە اۋا رايى قۇبىلمالى بولادى, دەپ حابارلايدى ult.kz.
سينوپتيكتەردٸڭ بولجاۋىنشا, اتموسفەرالىق فرونتالدى بٶلٸكتەردٸڭ ٶتۋٸنە بايلانىستى ەلدٸڭ سولتٷستٸگٸندە, باتىسىندا جەنە وڭتٷستٸگٸندە جاڭبىر جاۋىپ, نايزاعاي وينايدى.
ەسٸرەسە 30-31 مامىر كٷندەرٸ باتىس قازاقستان, اتىراۋ, ماڭعىستاۋ, اقتٶبە جەنە قوستاناي وبلىستارىندا اۋا رايىنىڭ قولايسىز قۇبىلىستارى كٷتٸلەدٸ. اتالعان ٶڭٸرلەردە قاتتى جاڭبىر جاۋىپ, كەي جەرلەردە بۇرشاق تٷسٸپ, جەلدٸڭ ەكپٸنٸ كٷشەيۋٸ مٷمكٸن.
رەسپۋبليكانىڭ قالعان اۋماعىندا جاۋىن-شاشىنسىز اۋا رايى باسىم بولادى. دەگەنمەن ەل بويىنشا جەلدٸڭ كٷشەيۋٸ بولجانىپ وتىر. ال وڭتٷستٸك ٶڭٸرلەردە شاڭدى داۋىلدىڭ بولۋى ىقتيمال.
الداعى كٷندەرٸ اۋا تەمپەراتۋراسى دا جوعارى دەڭگەيدە ساقتالادى. كٷندٸز باتىس ٶڭٸرلەردە اۋا تەمپەراتۋراسى +20…+25 گرادۋسقا دەيٸن كٶتەرٸلسە, سولتٷستٸك, شىعىس جەنە ورتالىق ايماقتاردا +23…+38 گرادۋسقا دەيٸن جىلىنادى. وڭتٷستٸك ٶڭٸرلەردە اپتاپ ىستىق ساقتالىپ, سىناپ باعانى +30…+40 گرادۋسقا دەيٸن جەتەدٸ.
ماماندار تۇرعىندارعا اۋا رايىنىڭ ٶزگەرۋٸنە بايلانىستى قاۋٸپسٸزدٸك شارالارىن ساقتاپ, داۋىلدى ەسكەرتۋلەردٸ قاداعالاپ وتىرۋعا كەڭەس بەرەدٸ.
