Ұлттық статистика бюросының мәліметінше, 2026 жылдың I тоқсанында Қазақстанда жұмыспен қамтылған әйелдер саны 4 млн 527,1 мың адамға жетті. Бұл өткен жылдың сәйкес кезеңімен салыстырғанда 42,6 мың адамға немесе 0,9%-ға көп, деп хабарлайды ult.kz.
Статистикаға сәйкес, жұмыспен қамтылған әйелдердің 3 млн 602 мыңнан астамы (79,6%) жалдамалы қызметкер болса, 925,1 мыңы (20,4%) өзін-өзі жұмыспен қамтыған.
Ең көп әйел еңбек ететін салалар:
- білім беру – 902,2 мың адам (19,9%);
- көтерме және бөлшек сауда – 877,6 мың адам (19,4%);
- денсаулық сақтау және әлеуметтік қызмет көрсету – 426,3 мың адам (9,4%);
- өнеркәсіп – 388,1 мың адам (8,6%);
- ауыл, орман және балық шаруашылығы – 351,2 мың адам (7,8%).
Бір жыл ішінде әйелдер жұмыспен қамтылуы ең көп артқан салалар:
- жылжымайтын мүлікпен операциялар – 25,7%;
- әкімшілік және қосалқы қызмет көрсету – 21,9%;
- көлік және қоймалау – 16,2%;
- өнеркәсіп – 7,6%.
Өңірлер бойынша жұмыспен қамтылған әйелдер санының ең жоғары өсімі:
- Қарағанды облысында – 7,8%;
- Ақтөбе облысында – 6,5%;
- Алматы қаласында – 6,3%;
- Түркістан облысында – 6,1%.
Сондай-ақ, қала тұрғындары арасында жұмыспен қамтылған әйелдер саны ауылдық жерлерге қарағанда жоғары. Қалалық жерлерде жұмыс істейтін әйелдер саны 3 млн 8,5 мың адамды құрады.
