Ulttyq statistika biýrosynyń málimetinshe, 2026 jyldyń I toqsanynda Qazaqstanda jumyspen qamtylǵan áielder sany 4 mln 527,1 myń adamǵa jetti. Bul ótken jyldyń sáikes kezeńimen salystyrǵanda 42,6 myń adamǵa nemese 0,9%-ǵa kóp, dep habarlaidy ult.kz.
Statistikaǵa sáikes, jumyspen qamtylǵan áielderdiń 3 mln 602 myńnan astamy (79,6%) jaldamaly qyzmetker bolsa, 925,1 myńy (20,4%) ózin-ózi jumyspen qamtyǵan.
Eń kóp áiel eńbek etetin salalar:
- bilim berý – 902,2 myń adam (19,9%);
- kóterme jáne bólshek saýda – 877,6 myń adam (19,4%);
- densaýlyq saqtaý jáne áleýmettik qyzmet kórsetý – 426,3 myń adam (9,4%);
- ónerkásip – 388,1 myń adam (8,6%);
- aýyl, orman jáne balyq sharýashylyǵy – 351,2 myń adam (7,8%).
Bir jyl ishinde áielder jumyspen qamtylýy eń kóp artqan salalar:
- jyljymaityn múlikpen operatsiialar – 25,7%;
- ákimshilik jáne qosalqy qyzmet kórsetý – 21,9%;
- kólik jáne qoimalaý – 16,2%;
- ónerkásip – 7,6%.
Óńirler boiynsha jumyspen qamtylǵan áielder sanynyń eń joǵary ósimi:
- Qaraǵandy oblysynda – 7,8%;
- Aqtóbe oblysynda – 6,5%;
- Almaty qalasynda – 6,3%;
- Túrkistan oblysynda – 6,1%.
Sondai-aq, qala turǵyndary arasynda jumyspen qamtylǵan áielder sany aýyldyq jerlerge qaraǵanda joǵary. Qalalyq jerlerde jumys isteitin áielder sany 3 mln 8,5 myń adamdy qurady.
