Танымал әнші Қайрат Нұртас пен актриса Жұлдыз Әбдікәрімованың қызы Алау Қайратқызы кино әлемінде алғашқы елеулі жетістігіне қол жеткізді. Жас актриса алғаш рет фильмде басты рөлді сомдап, ата-анасын қуантты, деп хабарлайды ult.kz.

Бұған дейін бірнеше фильм мен телесериалға түсіп, шағын рөлдерді орындап жүрген Алау бұл жолы көрермен алдына басты кейіпкер ретінде шықты. Оның қатысуымен түсірілген жаңа туындының премьерасына ата-анасы да арнайы келіп, қызына қолдау көрсетті.

Жұлдыз Әбдікәрімова қызының өнер жолындағы алғашқы маңызды қадамына ерекше қуанышты екенін жеткізді. Актрисаның айтуынша, Алау бұған дейін түрлі түсірілімдерге қатысып, тәжірибе жинағанымен, басты рөлді алғаш рет сомдап отыр.

«Қызымыздың алғашқы туындысы. Осы уақытқа дейін Алау көптеген сериалдарға, фильмдерге түсіп жүр. Эпизодтағы рөлдерге. Ал осы жолы басты кейіпкердің рөлін сомдап шықты. Бүгін премьера. Қызымызды қолдап, құттықтап келіп отырмыз», – деді Жұлдыз Әбдікәрімова.

Айта кетейік, Гүлзира Айдарбекова бизнесін сынаған кәсіпкерге жауап берді.

Қайрат Нұртас кім?

Қайрат Нұртас – қазақстандық танымал эстрада әншісі, актер әрі продюсер. Толық аты-жөні – Қайрат Нұртасұлы Айдарбеков. Ол 1989 жылы 25 ақпанда Түркістан қаласында дүниеге келген. Әкесі – Нұртас Айдарбеков, анасы – белгілі продюсер Гүлзира Айдарбекова. Қайрат бала кезінен музыкаға қызығып, он жасында Байқоңыр қаласында алғаш рет үлкен сахнаға шыққан. Кейін Алматыдағы Жүсіпбек Елебеков атындағы эстрада-цирк колледжінде білім алған. QazRadio +1

2008 жылы Алматыдағы Республика сарайында алғашқы жеке концертін өткізді. Сол жылы анасы Гүлзира Айдарбековамен бірге «Kairat Nurtas Production» продюсерлік орталығын құрды. Оның «Арман», «Ауырмайды жүрек», «Сені сүйем», «Тәтті сезім» және басқа да әндері тыңдарман арасында кеңінен танылды. Өнер иесі музыкалық шығармашылықпен қатар кино саласында да бақ сынап, «Өкініш», «ТойХана» және өзге фильмдерге түскен. Әнші «Дарын» мемлекеттік жастар сыйлығына ие болған. Kairat Nurtas +2

Қайрат Нұртастың жары – актриса Жұлдыз Әбдікәрімова. Екеуінің бес баласы бар: Алау, Сезім, Рабия Сұлтан, Нарұл және Хан. Өнер иесі ұзақ жылдар бойы қазақ эстрадасында белсенді еңбек етіп, еліміздің түрлі қалаларында жеке концерттерін өткізіп келеді. новости, биография