«Көкшетау қалалық әкімдігіне бомба қойылған». Бірнеше сағат бұрын облыс орталығындағы жедел басқару орталығына белгісіз ер адам қоңырау шалып, осы ақпаратты хабарлады.
Бұл ақпарат туралы kokshe-kontent.kz Ақпарат агенттігі бейресми дерек көздерінен біліп отыр.
Мұның рас-өтірігін анықтау үшін редакция тілшілері Ақмола облысы Полиция Департаментінің баспасөз қызметіне қоңырау шалып, мән-жайдың анық-қанығын білмек болды.
Бірақ ведомство өкілдерінің айтуынша, аталған факті бойынша қазір жедел-іс шаралар кешені жүргізіліп, тексеріс жүріп жатыр.
Алдағы уақытта осы ақпаратқа қатысты нақты деректі ұсынамыз.
