Қазақстан Тәуелсіздігіне 25 жыл

Қазақстанның төрт облысында ауа райына байланысты ескерту жарияланды

Қазақстанның төрт облысында ауа райына байланысты ескерту жарияланды

Еліміздің бірнеше облысында ауа райына байланысты ескерту жарияланды, деп хабарлайды "Ұлт ақпарат" «Қазгидромет» РМК-ға сілтеме жасап.

18 қазанда Қостанай облысының кей жерлеріне тұман түсіп, көктайғақ болады және боран соғып, солтүстік-батыс желінің жылдамдығы 15-20 м/с-ке жетеді.

17 қазан күні кештен бастап 18 қазан кешке дейін Қызылорда облысының кей жерлерінде батыс, оңтүстік-батыс желі соғып, оның жылдамдығы 15-20, екпіні 23-28 м/с-ке жетеді. Сондай-ақ, өңірде тұман түсіп, көктайғақ болады.

Шығыс Қазақстан облысында 18 қазанда (17 қазан 21.00-ден 18 қазан 21.00-ге дейін) оңтүстік-батыстан жел соғып, оның жылдамдығы 15-20, күндіз екпіні 25 м/с болуы ықтимал.

Өскемен қаласында оңтүстік-батыс бағыттан жел соғып, оның екпіні 15-20 м/с-ке жетеді.

Семей қаласында 18 қазанда күндіз оңтүстік-батыстан соғатын желдің екпіні 15-20 м/с болады.

18 қазанда (17 қазан сағат 21.00-ден 18 қазан 21.00-ге дейінгі аралықта) Солтүстік Қазақстан облысында солтүстік-батыстан соғатын желдің жылдамдығы 15-20, кей жерлерде екпіні 23-28 м/с жетеді. Кей жерлерде тұман түсіп, көктайғақ болады және боран соғады.

Петропавл қаласында 18 қазанда солтүстік-батыстан соғатын желдің жылдамдығы 15-20, екпіні 25 м/с-ке жетеді және көктайғақ болады.