قازاقستاننىڭ تٶرت وبلىسىندا اۋا رايىنا بايلانىستى ەسكەرتۋ جارييالاندى

ەلٸمٸزدٸڭ بٸرنەشە وبلىسىندا اۋا رايىنا بايلانىستى ەسكەرتۋ جارييالاندى, دەپ حابارلايدى "ۇلت اقپارات" «قازگيدرومەت» رمك-عا سٸلتەمە جاساپ.

18 قازاندا قوستاناي وبلىسىنىڭ كەي جەرلەرٸنە تۇمان تٷسٸپ, كٶكتايعاق بولادى جەنە بوران سوعىپ, سولتٷستٸك-باتىس جەلٸنٸڭ جىلدامدىعى 15-20 م/س-كە جەتەدٸ.

17 قازان كٷنٸ كەشتەن باستاپ 18 قازان كەشكە دەيٸن قىزىلوردا وبلىسىنىڭ كەي جەرلەرٸندە باتىس, وڭتٷستٸك-باتىس جەلٸ سوعىپ, ونىڭ جىلدامدىعى 15-20, ەكپٸنٸ 23-28 م/س-كە جەتەدٸ. سونداي-اق, ٶڭٸردە تۇمان تٷسٸپ, كٶكتايعاق بولادى.

شىعىس قازاقستان وبلىسىندا 18 قازاندا (17 قازان 21.00-دەن 18 قازان 21.00-گە دەيٸن) وڭتٷستٸك-باتىستان جەل سوعىپ, ونىڭ جىلدامدىعى 15-20, كٷندٸز ەكپٸنٸ 25 م/س بولۋى ىقتيمال.

ٶسكەمەن قالاسىندا وڭتٷستٸك-باتىس باعىتتان جەل سوعىپ, ونىڭ ەكپٸنٸ 15-20 م/س-كە جەتەدٸ.

سەمەي قالاسىندا 18 قازاندا كٷندٸز وڭتٷستٸك-باتىستان سوعاتىن جەلدٸڭ ەكپٸنٸ 15-20 م/س بولادى.

18 قازاندا (17 قازان ساعات 21.00-دەن 18 قازان 21.00-گە دەيٸنگٸ ارالىقتا) سولتٷستٸك قازاقستان وبلىسىندا سولتٷستٸك-باتىستان سوعاتىن جەلدٸڭ جىلدامدىعى 15-20, كەي جەرلەردە ەكپٸنٸ 23-28 م/س جەتەدٸ. كەي جەرلەردە تۇمان تٷسٸپ, كٶكتايعاق بولادى جەنە بوران سوعادى.

پەتروپاۆل قالاسىندا 18 قازاندا سولتٷستٸك-باتىستان سوعاتىن جەلدٸڭ جىلدامدىعى 15-20, ەكپٸنٸ 25 م/س-كە جەتەدٸ جەنە كٶكتايعاق بولادى.