Дүниежүзілік бокс ұйымы (WBC) рейтингінің жаңарған нұсқасы жарияланды, деп хабарлайды ҚазАқпарат Sports.kz сайтына сілтеме жасап.
Назарларыңызға қазақстандық боксшылардың позицияларын ұсынамыз:
Супер ауыр салмақта Жан Кособуцкий 19-шы орында қалды.
Бірінші ауыр салмақта Қамшыбек Қоңқабаев екі орынға төмен түсіп, 34-орынға жайғасты.
Екінші орта салмақта Айдос Ербосынұлы өзінің 17-ші орнында, ал Әли Ахмедов 21-ші орнында қалды.
Орта салмақтағы боксшы Жәнібек Әлімханұлы бұрынғыша – төртінші, ал Мейірім Нұрсұлтанов – тоғызыншы орында.
Жартылай орта салмақта Садриддин Ахмедов те өзінің позициясын өзгертпеді – кестеде 20-шы орныда.
Жартылай орта салмақта өнер көрсететін Данияр Елеусінов 23-ші орыннан 22-ші орынға көтерілді, Талған Шәйкен де бір орынға көтеріліп, 36-шы болды.
Жартылай орта салмақта Батыр Жүкембаев екі орынға төмендеп, 24-ші орынға жайғасты.
