Әнші Ақбота Керімбекова бала кезінде отбасында көрген қиындықтары туралы ашық айтты, деп хабарлайды ult.kz.

Өнер иесі отбасындағы зорлық-зомбылықтың бала психологиясына ауыр әсер ететінін сөз етті. Оның айтуынша, ата-анасы арасындағы жанжал мен күш көрсетуді көріп өскен баланың санасында мұндай оқиғалардың ізі ұзақ уақыт сақталуы мүмкін.

Әнші өзінің де бала күнінде осындай жағдайды бастан өткергенін жасырмады.

"Анам менен кейін балалы болмады. Мен жалғыз қызбын. Әкем ұлы болмағаны үшін маған да, анама да қол көтеретін. Ол кезде баламын, ештеңе істей алмадым. Іштей қынжылатынмын. “Әкем үйге келмесе екен” деп тілейтінмін. Күндердің күнінде әкемнің басқа отбасы, баласы бар екенін естідік. Мен, шыны керек, оған қуандым", – деді Ақбота Керімбекова.

Осылайша әнші балалық шағында көрген отбасылық қиындықтарын еске алып, мұндай жағдайлардың бала жадында ұзақ сақталатынын жеткізді.

Айта кетейік, әнші Ақбота Керімбекова бала күнінен қалыптасқан өмірлік ұстанымы кейін тағдырдың басқа жолға салғанын айтты. 

https://ult.kz/kz/post/omir-boiy-bir-kuieumen-turamyn-dep-oilaganmyn-aqbota-kerimbekova

Ақбота Керімбекова кім?

Ақбота Керімбекова – қазақстандық эстрада әншісі. Ол көпшілікке қазақ эстрадасындағы лирикалық әндерді орындауымен танылған.

Өнер иесі ұзақ жылдан бері сахнада өнер көрсетіп, жеке шығармашылығымен қатар түрлі концерттік жобаларға қатысып келеді. Әншінің репертуарында махаббат, отбасы, өмір мен адам тағдыры тақырыбындағы туындылар бар.

Ақбота Керімбекова шығармашылығынан бөлек, сұхбаттарында жеке өмірі, отбасы мен бала тәрбиесіне қатысты ой-пікірлерін де бөлісіп отырады. Кейінгі сұхбаттарының бірінде ол балалық шағында отбасындағы қиын кезеңдерді бастан өткергенін айтып, әкесінің анасына және өзіне қол көтерген кездері болғанын еске алды.