Алматыда толассыз жауған қарлы жаңбырдың салдарынан ағаштар құлады, деп хабарлайды "Ұлт ақпарат".
Абай мен С.Сейфуллин көшелерінің қиылысында орналасқан метеостанцияның хабарлауынша, қалада 16 мм жауын-шашын түскен, қар жамылғысының биіктігі 7 см-ге жетті. Түнде және таңертең жолдарда көктайғақ болды.
Секундына 2 метр жел соғып, ауа температурасы Цельсий көрсеткіші бойынша 0,2 градус болды.
Қалалық ТЖД-ның кезекші нөміріне бұтақтар мен ағаштар құлағаны туралы 8 қоңырау түскен. Алматы қаласы Құтқару қызметінің жедел кезекшісінің ақпараты бойынша, үш жерде құлаған ағаш 4 автокөлікті басып қалған. Төтенше жағдайдың салдарын жоюға Алматы қаласы Құтқару қызметінен 5 арнайы техника мен 17 адам жұмылдырылды. Оқыс оқиғадан адамдар жапа шеккен жоқ.
