الماتىدا تولاسسىز جاۋعان قارلى جاڭبىردىڭ سالدارىنان اعاشتار قۇلادى, دەپ حابارلايدى "ۇلت اقپارات".
اباي مەن س.سەيفۋللين كٶشەلەرٸنٸڭ قيىلىسىندا ورنالاسقان مەتەوستانتسييانىڭ حابارلاۋىنشا, قالادا 16 مم جاۋىن-شاشىن تٷسكەن, قار جامىلعىسىنىڭ بيٸكتٸگٸ 7 سم-گە جەتتٸ. تٷندە جەنە تاڭەرتەڭ جولداردا كٶكتايعاق بولدى.
سەكۋندىنا 2 مەتر جەل سوعىپ, اۋا تەمپەراتۋراسى تسەلسيي كٶرسەتكٸشٸ بويىنشا 0,2 گرادۋس بولدى.
قالالىق تجد-نىڭ كەزەكشٸ نٶمٸرٸنە بۇتاقتار مەن اعاشتار قۇلاعانى تۋرالى 8 قوڭىراۋ تٷسكەن. الماتى قالاسى قۇتقارۋ قىزمەتٸنٸڭ جەدەل كەزەكشٸسٸنٸڭ اقپاراتى بويىنشا, ٷش جەردە قۇلاعان اعاش 4 اۆتوكٶلٸكتٸ باسىپ قالعان. تٶتەنشە جاعدايدىڭ سالدارىن جويۋعا الماتى قالاسى قۇتقارۋ قىزمەتٸنەن 5 ارنايى تەحنيكا مەن 17 ادام جۇمىلدىرىلدى. وقىس وقيعادان ادامدار جاپا شەككەن جوق.
