Алматыда «Твардовский дом» иттер панасының негізін қалаушы Владимир Тепляков оқ жарақатынан қаза тапты. Өлім туралы медициналық куәлікте оның өліміне кісі өлтіру себеп болғаны көрсетілген. Сот-медициналық сараптама да оқ жарақаттарын растаған, деп хабарлайды ult.kz.
Unsiz Media мәліметінше, жануарларды қорғаушылар Тепляковтың бірнеше жерінен, соның ішінде желкесіне оқ тигенін айтқан.
Қазіргі уақытта оқиғаның мән-жайы мен Тепляковтың өліміне қатысы болуы мүмкін адамдар туралы ресми ақпарат жарияланбаған.
Владимир Тепляков «Твардовский дом» иттер панасын құрған. Оның өлімінен кейін паналаған шамамен 90 ит қараусыз қалған. Басылымның мәліметінше, жануарлар тиісті қоршаусыз, күтім мен қажетті жағдайларсыз қалған.
Пана Тепляковтың асырап алған ұлы Ильястың құрметіне осылай аталған. Ол Твардовский деген бүркеншік есімді қолданған. Ильяс ветеринарлық кабинеті бар үлкен орталық ашуды армандағанымен, 21 жасында қайтыс болған.
Осыдан кейін Тепляков жоғары жалақысы бар жұмысын тастап, жануарларға қамқорлық жасауға ден қойған.
Кейбір мәліметтерге қарағанда, қайтыс боларынан бірнеше күн бұрын ол жануарларды қорғаушы Арсен Кабденовтің иттерге жаңа иелер іздеу туралы ұсынысына келіскен. Алайда жоспарын жүзеге асырып үлгермеген.
