Almatyda «Tvardovskii dom» itter panasynyń negizin qalaýshy Vladimir Tepliakov oq jaraqatynan qaza tapty. Ólim týraly meditsinalyq kýálikte onyń ólimine kisi óltirý sebep bolǵany kórsetilgen. Sot-meditsinalyq saraptama da oq jaraqattaryn rastaǵan, dep habarlaidy ult.kz.
Unsiz Media málimetinshe, janýarlardy qorǵaýshylar Tepliakovtyń birneshe jerinen, sonyń ishinde jelkesine oq tigenin aitqan.
Qazirgi ýaqytta oqiǵanyń mán-jaiy men Tepliakovtyń ólimine qatysy bolýy múmkin adamdar týraly resmi aqparat jariialanbaǵan.
Vladimir Tepliakov «Tvardovskii dom» itter panasyn qurǵan. Onyń óliminen keiin panalaǵan shamamen 90 it qaraýsyz qalǵan. Basylymnyń málimetinshe, janýarlar tiisti qorshaýsyz, kútim men qajetti jaǵdailarsyz qalǵan.
Pana Tepliakovtyń asyrap alǵan uly Iliastyń qurmetine osylai atalǵan. Ol Tvardovskii degen búrkenshik esimdi qoldanǵan. Ilias veterinarlyq kabineti bar úlken ortalyq ashýdy armandaǵanymen, 21 jasynda qaitys bolǵan.
Osydan keiin Tepliakov joǵary jalaqysy bar jumysyn tastap, janýarlarǵa qamqorlyq jasaýǵa den qoiǵan.
Keibir málimetterge qaraǵanda, qaitys bolarynan birneshe kún buryn ol janýarlardy qorǵaýshy Arsen Kabdenovtiń itterge jańa ieler izdeý týraly usynysyna kelisken. Alaida josparyn júzege asyryp úlgermegen.
