Фото: dzen.ru
"2025 жыл — тазалау жылы. Адамдар өміріндегі әртүрлі салаларында тозығы жеткен, шаршатқан, қажытқан дүниелерінен арылады. Өзімен рухани жұмыс істеген адамдар мықты бола түссе, дамымаған адамдар одан сайын қиындыққа тап болады". IQ-San (ай-кю сан) сандар сарапшысы Айгүл Махатова дәл осындай болжам жасады. Ult.kz нумерологтан 2025 жылы тағы неге дайын болу керегін сұрады.
Жыл саны — 9
Сандар сарапшысы бұл жыл "тоғызыншы" энергияда, яғни қорытындылау жылы болады. Сондай-ақ 9 - "қозғалыс жасай білетін" сан екенін айтады.
"2025 жылы бүкіл адамзат күрес үстінде болады. Сыртқы орта біздің ең қимасымызды (мейлі ол жұмыс болсын, қарым-қатынас болсын, достарымыз, қаржымыз, бизнесіміз) тартып алмақшы болады. Табиғатта да жылдың 1-ші жартысында макрожарылыстар ауқымды түрде болуы мүмкін. Ал жылдың 2-ші жартысы жайлы болмақшы - әділеттілік. Әлемде тепе-теңдік (баланс) бар. 2025 жыл таразы секілді бәрін теңестіреді, асығыстықты жақтырмайды. Бұл жылдың ұраны: "7 рет өлше, 1 рет кес", - дейді сарапшы.
Бұл жыл сондай-ақ ырыс пен құт шақыратын жыл болатынын айтады.
"2025 жылы әр адамның өмірінде белгілі бір бетбұрыстар болады. Адамдар айналасын, ортасын тазартады. Зиянды қарым-қатынастардан тазаланады. Бұл жыл адамдарға өз өмірлерін қайта қарап, жаңа жоспарлар құруға мүмкіндік береді. Қиындықтардан сабақ алып, жаңа деңгейге әркім-ақ көтеріле алады", - дейді Айгүл Махатова.
Нумерологтың айтуынша, 2025 жылы адамдар білімге ерекше ұмтылатын болады.
"9 - даналық, оқу, білім, даму энергиясындағы сан. Бұл жылы адамдар білімге ұмтылады. Көп адамдар өз миссияларын іздейді, табады, дамиды. Шет тілдерді, соның ішінде қазақ тілін дамыту қолға алынады. 9 саны рухани баю, прогресс жылы", - дейді сарапшы.
Айгүл Махатова 2025 баяу өтетін жыл дейді. Қысы жылы болып, көктем ерте шығады деп отыр. Осыған байланысты су тасқыны болуы мүмкін.
Фото: Айгүл Махатова
2025 жылдың сәтті түсі - тоқ жасыл
Бұл жыл жасыл ағашты жылан жылы болғандықтан, басты түс - тоқ жасыл болмақ (изумруд). Бұл түс - өсу, даму, гармония, энергияға толы, бақыт түсі.
"Сондай-ақ қоңыр түс, шоколад түсі, кофе түсі, терракот түсі - тұрақтылық, сенімділік, серіктестік, жаңа қарым-қатынасқа сәтті түстер. Жжылтырақ қосылған (паетка, брошь, песок) түстер; алтын түстер - молшылық, жетістік, гүлдену, табысты болуға меңзейтін түстер; маталар - барқыт, жібек, атлас болғаны дұрыс - салиқалы, зиялы маталар", - деп қосты сарапшы.
Жыл сәтті өтуі үшін қалай қарсы алу керек?
Жылан жылы шығыс күнтізбесінде ерекше энергетикаға ие жыл болып есептелетіндіктен, сарапшының айтуынша, жылды дұрыс қарсы алу үшін ең алдым үйді жақсылап тазалау керек.
"Жаңа жыл алдында үйді толық тазалап, ескі заттардан, қажетсіз бұйымдардан арылыңыз. Бұл жаңа энергия мен сәттілікті шақырады. Үйді безендіруде жасыл, көк, алтын түстерін пайдаланыңыз. Бұл түстер жыланның тыныштық пен даналыққа деген символизмін көрсетеді. Жаңа жылдық кеште табиғи түстердегі (жасыл, көк, күміс немесе алтын) киім кию ұсынылады", - дейді Айгүл Махатова.
Ал дастарханға не қоямыз деген сұраққа Махатова жеңіл және табиғи тағамдар таңдаған жөн дейді. Балық, көкөністер, жеміс-жидектер, теңіз өнімдері сияқты тағамдар дайындаңыз, деп кеңес берді.
Сұхбаттасқан: Анара Бауыржанқызы
298 рет оқылды
