.png)
Foto: dzen.ru
"2025 jyl — tazalaý jyly. Adamdar ómirindegi ártúrli salalarynda tozyǵy jetken, sharshatqan, qajytqan dúnielerinen arylady. Ózimen rýhani jumys istegen adamdar myqty bola tússe, damymaǵan adamdar odan saiyn qiyndyqqa tap bolady". IQ-San (ai-kiý san) sandar sarapshysy Aigúl Mahatova dál osyndai boljam jasady. Ult.kz nýmerologtan 2025 jyly taǵy nege daiyn bolý keregin surady.
Jyl sany — 9
Sandar sarapshysy bul jyl "toǵyzynshy" energiiada, iaǵni qorytyndylaý jyly bolady. Sondai-aq 9 - "qozǵalys jasai biletin" san ekenin aitady.
"2025 jyly búkil adamzat kúres ústinde bolady. Syrtqy orta bizdiń eń qimasymyzdy (meili ol jumys bolsyn, qarym-qatynas bolsyn, dostarymyz, qarjymyz, biznesimiz) tartyp almaqshy bolady. Tabiǵatta da jyldyń 1-shi jartysynda makrojarylystar aýqymdy túrde bolýy múmkin. Al jyldyń 2-shi jartysy jaily bolmaqshy - ádilettilik. Álemde tepe-teńdik (balans) bar. 2025 jyl tarazy sekildi bárin teńestiredi, asyǵystyqty jaqtyrmaidy. Bul jyldyń urany: "7 ret ólshe, 1 ret kes", - deidi sarapshy.
Bul jyl sondai-aq yrys pen qut shaqyratyn jyl bolatynyn aitady.
"2025 jyly ár adamnyń ómirinde belgili bir betburystar bolady. Adamdar ainalasyn, ortasyn tazartady. Ziiandy qarym-qatynastardan tazalanady. Bul jyl adamdarǵa óz ómirlerin qaita qarap, jańa josparlar qurýǵa múmkindik beredi. Qiyndyqtardan sabaq alyp, jańa deńgeige árkim-aq kóterile alady", - deidi Aigúl Mahatova.
Nýmerologtyń aitýynsha, 2025 jyly adamdar bilimge erekshe umtylatyn bolady.
"9 - danalyq, oqý, bilim, damý energiiasyndaǵy san. Bul jyly adamdar bilimge umtylady. Kóp adamdar óz missiialaryn izdeidi, tabady, damidy. Shet tilderdi, sonyń ishinde qazaq tilin damytý qolǵa alynady. 9 sany rýhani baiý, progress jyly", - deidi sarapshy.
Aigúl Mahatova 2025 baiaý ótetin jyl deidi. Qysy jyly bolyp, kóktem erte shyǵady dep otyr. Osyǵan bailanysty sý tasqyny bolýy múmkin.
Foto: Aigúl Mahatova
2025 jyldyń sátti túsi - toq jasyl
Bul jyl jasyl aǵashty jylan jyly bolǵandyqtan, basty tús - toq jasyl bolmaq (izýmrýd). Bul tús - ósý, damý, garmoniia, energiiaǵa toly, baqyt túsi.
"Sondai-aq qońyr tús, shokolad túsi, kofe túsi, terrakot túsi - turaqtylyq, senimdilik, seriktestik, jańa qarym-qatynasqa sátti túster. Jjyltyraq qosylǵan (paetka, brosh, pesok) túster; altyn túster - molshylyq, jetistik, gúldený, tabysty bolýǵa meńzeitin túster; matalar - barqyt, jibek, atlas bolǵany durys - saliqaly, ziialy matalar", - dep qosty sarapshy.
Jyl sátti ótýi úshin qalai qarsy alý kerek?
Jylan jyly shyǵys kúntizbesinde erekshe energetikaǵa ie jyl bolyp esepteletindikten, sarapshynyń aitýynsha, jyldy durys qarsy alý úshin eń aldym úidi jaqsylap tazalaý kerek.
"Jańa jyl aldynda úidi tolyq tazalap, eski zattardan, qajetsiz buiymdardan arylyńyz. Bul jańa energiia men sáttilikti shaqyrady. Úidi bezendirýde jasyl, kók, altyn tústerin paidalanyńyz. Bul túster jylannyń tynyshtyq pen danalyqqa degen simvolizmin kórsetedi. Jańa jyldyq keshte tabiǵi tústerdegi (jasyl, kók, kúmis nemese altyn) kiim kiiý usynylady", - deidi Aigúl Mahatova.
Al dastarhanǵa ne qoiamyz degen suraqqa Mahatova jeńil jáne tabiǵi taǵamdar tańdaǵan jón deidi. Balyq, kókónister, jemis-jidekter, teńiz ónimderi siiaqty taǵamdar daiyndańyz, dep keńes berdi.
Suhbattasqan: Anara Baýyrjanqyzy
