Sońǵy kúnderi Reseidegi Wildberries qoimalaryna ýkrainalyq drondardyń birneshe ret shabýyl jasaýy bul kompaniianyń Qazaqstanǵa logistikalyq ortalyqtaryn kóshirýi múmkin degen boljamdardy kúsheitken edi. Alaida Saýda jáne integratsiia ministri Arman Shaqqaliev bul aqparatty joqqa shyǵardy, dep habarlaidy ult.kz.
Ministrdiń aitýynsha, Wildberries Qazaqstanda burynnan josparlanǵan investitsiialyq jobalaryn ǵana júzege asyryp jatyr. Qazir Almatyda 160 myń sharshy metr, al Astanada 100 myń sharshy metr bolatyn qoimalar salynyp jatyr. Jalpy kólemi shamamen 260 myń sharshy metrdi quraityn bul nysandardy 2027 jyldyń birinshi toqsanynda paidalanýǵa berý josparlanǵan.
Buǵan deiin kompaniia Qazaqstanda 46 myń sharshy metr qoimany jalǵa alyp kelgen.
Shaqqalievtiń sózinshe, Reseidegi dron shabýyldarynan keiin Wildberries Qazaqstannan qosymsha qoima surap nemese jańa nysandardy shuǵyl ornalastyrý týraly ótinish jasaǵan joq.
Sonymen qatar ministr qazaqstandyq kásipkerlerge marketpleisti tańdaǵanda qazirgi geosaiasi jaǵdai men yqtimal táýekelderdi de eskerýge keńes berdi.
Eske salaiyq, buǵan deiin reseilik «Kommersant» basylymy Wildberries Reseidegi qoimalaryna jasalǵan shabýyldardan keiin Qazaqstannan jańa qoima izdei bastaǵanyn jazǵan bolatyn. Basylymnyń málimetinshe, Reseidegi iri logistikalyq keshenderdiń ieleri qaýipsizdik táýekelderine bailanysty Wildberries-ke qoima jalǵa berýge qulyqsyz bolyp otyr.
