سوڭعى كٷندەرٸ رەسەيدەگٸ Wildberries قويمالارىنا ۋكراينالىق درونداردىڭ بٸرنەشە رەت شابۋىل جاساۋى بۇل كومپانييانىڭ قازاقستانعا لوگيستيكالىق ورتالىقتارىن كٶشٸرۋٸ مٷمكٸن دەگەن بولجامداردى كٷشەيتكەن ەدٸ. الايدا ساۋدا جەنە ينتەگراتسييا مينيسترٸ ارمان شاققاليەۆ بۇل اقپاراتتى جوققا شىعاردى, دەپ حابارلايدى ult.kz.
مينيستردٸڭ ايتۋىنشا, Wildberries قازاقستاندا بۇرىننان جوسپارلانعان ينۆەستيتسييالىق جوبالارىن عانا جٷزەگە اسىرىپ جاتىر. قازٸر الماتىدا 160 مىڭ شارشى مەتر, ال استانادا 100 مىڭ شارشى مەتر بولاتىن قويمالار سالىنىپ جاتىر. جالپى كٶلەمٸ شامامەن 260 مىڭ شارشى مەتردٸ قۇرايتىن بۇل نىسانداردى 2027 جىلدىڭ بٸرٸنشٸ توقسانىندا پايدالانۋعا بەرۋ جوسپارلانعان.
بۇعان دەيٸن كومپانييا قازاقستاندا 46 مىڭ شارشى مەتر قويمانى جالعا الىپ كەلگەن.
شاققاليەۆتٸڭ سٶزٸنشە, رەسەيدەگٸ درون شابۋىلدارىنان كەيٸن Wildberries قازاقستاننان قوسىمشا قويما سۇراپ نەمەسە جاڭا نىسانداردى شۇعىل ورنالاستىرۋ تۋرالى ٶتٸنٸش جاساعان جوق.
سونىمەن قاتار مينيستر قازاقستاندىق كەسٸپكەرلەرگە ماركەتپلەيستٸ تاڭداعاندا قازٸرگٸ گەوساياسي جاعداي مەن ىقتيمال تەۋەكەلدەردٸ دە ەسكەرۋگە كەڭەس بەردٸ.
ەسكە سالايىق, بۇعان دەيٸن رەسەيلٸك «كوممەرسانت» باسىلىمى Wildberries رەسەيدەگٸ قويمالارىنا جاسالعان شابۋىلداردان كەيٸن قازاقستاننان جاڭا قويما ٸزدەي باستاعانىن جازعان بولاتىن. باسىلىمنىڭ مەلٸمەتٸنشە, رەسەيدەگٸ ٸرٸ لوگيستيكالىق كەشەندەردٸڭ يەلەرٸ قاۋٸپسٸزدٸك تەۋەكەلدەرٸنە بايلانىستى Wildberries-كە قويما جالعا بەرۋگە قۇلىقسىز بولىپ وتىر.
