Depýtattyqqa úmitker Asha Matai málimdeme jasady, dep habarlaidy ult.kz.
Ol áleýmettik jelidegi paraqshasynda jalǵan aqparattar arnaiy tapsyryspen tarap jatqanyn aitty.
“Keibireýler men týraly jalǵan aqparat taratypty. Halyqty shatastyrypty. Men óz úmitkerligimnen bas tartpadym. Bul tapsyryspen bolyp jatyr. Men depýtat bolamyn dep ózime senem. Maǵan sengen azamattar, oqyrmandar, tyńdarmandarym ózderińizdiń muń-muqtajdaryńyzdy maǵan jazyńyzdar. Senim artyp qoldańyzdar” , - dedi ánshi.
Aita keteiik, buǵan deiin zańger Meiirman Shekeev Asha Mataidy ashyq pikirtalasqa shaqyryp, depýtattyqqa úmitker retinde qoǵamdaǵy ózekti máseleler boiynsha kózqarasyn jariia túrde qorǵaýǵa úndegen bolatyn. Alaida ánshi debatqa qatysýdan bas tartyp, muny anasynan alǵan tárbiesimen túsindirgen. Keiin eki tarap arasynda pikir qaishylyǵy týyndap, Shekeev Asha Matai onyń sózin burmalaǵanyn aityp, qajet bolsa sotqa júginýi múmkin ekenin málimdedi. Osy oqiǵadan keiin áleýmettik jelide ánshiniń kandidatýrasyna qatysty túrli qaýesetter tarai bastady.
