دەپۋتاتتىققا ٷمٸتكەر اشا ماتاي مەلٸمدەمە جاسادى, دەپ حابارلايدى ult.kz.
ول ەلەۋمەتتٸك جەلٸدەگٸ پاراقشاسىندا جالعان اقپاراتتار ارنايى تاپسىرىسپەن تاراپ جاتقانىن ايتتى.
“كەيبٸرەۋلەر مەن تۋرالى جالعان اقپارات تاراتىپتى. حالىقتى شاتاستىرىپتى. مەن ٶز ٷمٸتكەرلٸگٸمنەن باس تارتپادىم. بۇل تاپسىرىسپەن بولىپ جاتىر. مەن دەپۋتات بولامىن دەپ ٶزٸمە سەنەم. ماعان سەنگەن ازاماتتار, وقىرماندار, تىڭدارماندارىم ٶزدەرٸڭٸزدٸڭ مۇڭ-مۇقتاجدارىڭىزدى ماعان جازىڭىزدار. سەنٸم ارتىپ قولداڭىزدار” , - دەدٸ ەنشٸ.
ايتا كەتەيٸك, بۇعان دەيٸن زاڭگەر مەيٸرمان شەكەەۆ اشا ماتايدى اشىق پٸكٸرتالاسقا شاقىرىپ, دەپۋتاتتىققا ٷمٸتكەر رەتٸندە قوعامداعى ٶزەكتٸ مەسەلەلەر بويىنشا كٶزقاراسىن جارييا تٷردە قورعاۋعا ٷندەگەن بولاتىن. الايدا ەنشٸ دەباتقا قاتىسۋدان باس تارتىپ, مۇنى اناسىنان العان تەربيەسٸمەن تٷسٸندٸرگەن. كەيٸن ەكٸ تاراپ اراسىندا پٸكٸر قايشىلىعى تۋىنداپ, شەكەەۆ اشا ماتاي ونىڭ سٶزٸن بۇرمالاعانىن ايتىپ, قاجەت بولسا سوتقا جٷگٸنۋٸ مٷمكٸن ەكەنٸن مەلٸمدەدٸ. وسى وقيعادان كەيٸن ەلەۋمەتتٸك جەلٸدە ەنشٸنٸڭ كانديداتۋراسىنا قاتىستى تٷرلٸ قاۋەسەتتەر تاراي باستادى.
