Shý aýdanynyń Kókqainar aýylynda kúrespen boksqa arnalǵan zamanaýi sport zalynyń qurylysy aiaqtaldy. Buqaralyq sportty damytýǵa jáne jastardyń bos ýaqytyn tiimdi uiymdastyrýǵa baǵyttalǵan bul áleýmettik joba «Qazaqmys» Tobynyń áleýmettik áriptestik jónindegi memorandýmy aiasynda júzege asyryldy., dep habarlaidy ult.kz.
Jalpy aýdany 481,6 m² quraityn jańa bir qabatty sport kesheni tárbielenýshilerdi qabyldaýǵa daiyn. Nysan qaýipsizdik standarttaryna sai jobalandy jáne bir aýysymda 30-ǵa jýyq bala men jasóspirimniń jattyǵýyna múmkindik beredi. Kúres pen boks zaldarynyń árqaisynda bir mezette 15 adamǵa deiin jattyǵa alady.
Foto: Qazaqmys
Keshenniń ishki keńistigi barynsha yńǵaily uiymdastyrylǵan. Munda arnaiy jattyǵý aimaqtary, yńǵaily kiim aýystyratyn, jýynatyn bólmeler, sanitarlyq torap jáne jattyqtyrýshylarǵa arnalǵan kabinet qarastyrylǵan. Irgeles aýmaqta kelýshiler úshin arnaiy avtoturaq, al ǵimarattyń janynda taza aýada sportpen shuǵyldanýǵa arnalǵan alań jasaldy.
Foto: Qazaqmys
Jobany iske asyrýǵa bólingen investitsiianyń jalpy kólemi 268,5 mln teńgeni qurady. Aýyldyq aýmaqta zamanaýi nysannyń paida bolýy sapaly sporttyq infraqurylymnyń qoljetimdiligin arttyrdy. Jańa keshen aýyl jastaryna qolaily jaǵdaida jattyǵýǵa, jarys ótkizýge múmkindik beredi jáne aýyldan shyqpai-aq bolashaq sportshylardy daiarlaýǵa berik negiz qalyptastyrady.
Jobany qoldaý «Qazaqmys» Tobynyń kásiporyndary ornalasqan óńirlerde áleýmettik infraqurylymdy damytýǵa baǵyttalǵan júieli jumystyń bir bóligi bolyp tabylady.
