Ázilkesh Tursynbek Qabatovtyń ekinshi áieli áleýmettik jelide ózine teris pikir jazǵandarǵa jaýap berdi. Ol densaýlyǵyna qatysty taraǵan aqparatqa bailanysty oiyn ashyq jetkizdi, dep habarlaidy ult.kz.

Jazba avtorynyń aitýynsha, jelide onyń densaýlyǵy syr bergeni týraly habar taraǵan. Osy aqparattyń astyna jaǵymsyz pikir qaldyrǵandarǵa ol kúndelikti kásibimen ainalysyp júrgenin aityp jaýap bergen.

“Heitekesh heitekeńder densaýlyǵy syr berdi dep jańalyq ashyp, soǵan ańǵal adamdar qarǵap, sharshap komment jazyp otyrǵanda, men shúkir, saýdamdy jasap otyrmyn. Buralań sóz butyma”, – dep jazdy ol.

Osylaisha, kelinshek ózi týraly aitylyp jatqan áńgimelerge qaramastan, saýdasyn jalǵastyryp júrgenin jetkizdi. Jazbasynda ol ózine baǵyttalǵan syn men jaǵymsyz pikirlerge ótkir jaýap qaitarǵan.

Aita keteiik, Tursynbek Qabatovtyń shańyraǵynan qýanyshty habar jetti.

Tursynbek Qabatov kim?

Tursynbek Amanǵaliuly Qabatov — qazaqstandyq ázilkesh, akter jáne telejúrgizýshi. Ol 1979 jylǵy 10 qazanda Batys Qazaqstan oblysy Qaztalov aýdanynyń Aqpáter aýylynda dúniege kelgen. Sáken Seifýllin atyndaǵy agrarlyq ýniversitetti bitirgen. Ónerdegi eńbek jolyn 2000 jyly Ǵarifolla Qurmanǵaliev atyndaǵy Batys Qazaqstan oblystyq filarmoniiasynda bastaǵan.

Kópshilikke Kóńildi tapqyrlar klýby arqyly tanylǵan. Stýdent kezinde “Agrarka sarbazdary” komandasynda óner kórsetip, keiin “Astana.kz” jáne “Qazaqtar” komandalarynyń quramynda oinaǵan. 2010 jyly TMD elderiniń “Úzdik KVN oiynshysy” atanǵan.

Keiin jeke ázil keshterin ótkizip, úlken sahnada monologterimen tanyla tústi. 2009 jyly Astanadaǵy Beibitshilik jáne kelisim saraiynda, Almatydaǵy Respýblika saraiynda jeke kontsertterin bergen. Al 2010 jyly “Qazaqstan” ulttyq arnasyndaǵy “Eki juldyz” jobasyna ánshi Farida Niiazovamen birge qatysqan.