PTR diagnostikasy naryǵynda úsh iri sýbekt jumys isteidi. Olar: «Olimp» klinkalyq-diagnostikalyq zerthanasy, Ulttyq saraptama ortalyǵy, INVIVO zerthanasy jáne 30-dan astam usaq kompaniia bar. Bul týraly «Kun.kz» saitynda «JQQ, PTR diagnostikasy jáne dári-dármekter naryǵynda baǵa belgileý» taqyrybynda onlain formatta ótken pikirtalasta aityldy, dep habarlaidy QazAqparat.
«Ulttyq saraptama ortalyǵynda sáýir aiynan beri PTR testtiń baǵasy (11 500 teńge) ózgergen joq, «Olimp» klinkalyq-diagnostikalyq zerthanasy (12 320 teńge) men INVIVO zerthanasynda (15 000 teńge) baǵanyń ózgerý dinamikasy baiqalady. Sońǵy málimetterge súienetin bolsam, atalǵan kompaniialar baǵany arzandatýǵa daiyn», - deidi Básekelestikti qorǵaý jáne damytý agenttiginiń tóraǵasy Serik Jumanǵarin.
Ol basqa memleketterde PTR testtiń baǵasy ortasha eseppen qansha ekenin aitty.
«Tekserý jumystaryn bastamaǵandyqtan atalǵan kompaniialardyń býhgalterlik qujattaryn teksere almaimyz. Bul sýbektilerdi jazalaý nietimiz joq bolǵandyqtan tekserý jumystaryn áli bastaǵan joqpyz. Mundai qiyn kezeńde olarǵa tekserý jumysyn júrgizip, bankrot bolý jaǵdaiyna jetkizgimiz kelmeidi. Biz olarmen kelisip, baǵany retteý týraly usynys aitamyz. Mysaly, Belarýs memleketinde PTR test baǵasy teńgege shaqqanda – 6 600 teńge. Reseide – 12 myń teńge. Armeniia men AQSh-ta – 21 myń teńge. Bolgariia men Frantsiiada – 25 myń teńge. Germaniiada – 27 myń teńge. PTR test baǵasy qymbat memleketterde ómir súrý deńgeii, jalaqy mólsheri de bizdiń memleketke qaraǵanda basqasha», - deidi ol.
