پتر دياگنوستيكاسى نارىعىندا ٷش ٸرٸ سۋبەكت جۇمىس ٸستەيدٸ. ولار: «وليمپ» كلينكالىق-دياگنوستيكالىق زەرتحاناسى, ۇلتتىق ساراپتاما ورتالىعى, INVIVO زەرتحاناسى جەنە 30-دان استام ۇساق كومپانييا بار. بۇل تۋرالى «Kun.kz» سايتىندا «جقق, پتر دياگنوستيكاسى جەنە دەرٸ-دەرمەكتەر نارىعىندا باعا بەلگٸلەۋ» تاقىرىبىندا ونلاين فورماتتا ٶتكەن پٸكٸرتالاستا ايتىلدى, دەپ حابارلايدى قازاقپارات.
«ۇلتتىق ساراپتاما ورتالىعىندا سەۋٸر ايىنان بەرٸ پتر تەستتٸڭ باعاسى (11 500 تەڭگە) ٶزگەرگەن جوق, «وليمپ» كلينكالىق-دياگنوستيكالىق زەرتحاناسى (12 320 تەڭگە) مەن INVIVO زەرتحاناسىندا (15 000 تەڭگە) باعانىڭ ٶزگەرۋ ديناميكاسى بايقالادى. سوڭعى مەلٸمەتتەرگە سٷيەنەتٸن بولسام, اتالعان كومپانييالار باعانى ارزانداتۋعا دايىن», - دەيدٸ بەسەكەلەستٸكتٸ قورعاۋ جەنە دامىتۋ اگەنتتٸگٸنٸڭ تٶراعاسى سەرٸك جۇمانعارين.
ول باسقا مەملەكەتتەردە پتر تەستتٸڭ باعاسى ورتاشا ەسەپپەن قانشا ەكەنٸن ايتتى.
«تەكسەرۋ جۇمىستارىن باستاماعاندىقتان اتالعان كومپانييالاردىڭ بۋحگالتەرلٸك قۇجاتتارىن تەكسەرە المايمىز. بۇل سۋبەكتٸلەردٸ جازالاۋ نيەتٸمٸز جوق بولعاندىقتان تەكسەرۋ جۇمىستارىن ەلٸ باستاعان جوقپىز. مۇنداي قيىن كەزەڭدە ولارعا تەكسەرۋ جۇمىسىن جٷرگٸزٸپ, بانكروت بولۋ جاعدايىنا جەتكٸزگٸمٸز كەلمەيدٸ. بٸز ولارمەن كەلٸسٸپ, باعانى رەتتەۋ تۋرالى ۇسىنىس ايتامىز. مىسالى, بەلارۋس مەملەكەتٸندە پتر تەست باعاسى تەڭگەگە شاققاندا – 6 600 تەڭگە. رەسەيدە – 12 مىڭ تەڭگە. ارمەنييا مەن اقش-تا – 21 مىڭ تەڭگە. بولگارييا مەن فرانتسييادا – 25 مىڭ تەڭگە. گەرمانييادا – 27 مىڭ تەڭگە. پتر تەست باعاسى قىمبات مەملەكەتتەردە ٶمٸر سٷرۋ دەڭگەيٸ, جالاقى مٶلشەرٸ دە بٸزدٸڭ مەملەكەتكە قاراعاندا باسقاشا», - دەيدٸ ول.
