Qazaqstandaǵy Qytaidyń bas konsýly Chjan Vei qazaqstandyq azamattarǵa viza berýdi toqtatýǵa qatysty pikir bildirdi, - dep habarlaidy kaz.tengrinews.kz tilshisi.
Onyń aitýynsha, qazirgi ýaqytta birneshe adamǵa arnalǵan toptyq vizalar ádettegi tártip boiynsha berilip jatyr. "Bul máselemen osyǵan deiin de ainalysqanbyz. Bul bizdiń quzyretimizde emes. Munyń Qazaqstanǵa qatysy joq. Osyǵan bailanysty kóp suraq qoiyldy. Buryn túsinispeýshilikter bolǵan edi. Qazir barlyǵy bul jaily biledi, eshqandai túsinispeýshilik joq, másele sheshildi. Bul Syrtqy ister ministrligindegilerdiń ortalyq apparattyń tapsyrysymen shamamen 10 eldegi vizalyq saiasatty retteýge baǵyttalǵan jumystary", - dedi Bas konsýl.
Sondai-aq ol Qazaqstandaǵy SIM ókilderiniń osy jaǵdaiǵa bailanysty túsinik bergenin de aitty. Alaida Tengrinews.kz tilshisiniń jeke vizalardy qashannan bastap qaita beriletini jaily suraqqa sheneýnik jaýap bere almady. "Bilmeimin. Bul bizdiń quzyretimizde emes", - dedi ol. Aita keteiik, osyǵan deiin Qytaidyn qazaqstandyq azamattarǵa jeke vizalardy berýdi toqtatqany jaily habarlanǵan bolatyn.
