قازاقستانداعى قىتايدىڭ باس كونسۋلى چجان ۆەي قازاقستاندىق ازاماتتارعا ۆيزا بەرۋدٸ توقتاتۋعا قاتىستى پٸكٸر بٸلدٸردٸ, - دەپ حابارلايدى kaz.tengrinews.kz تٸلشٸسٸ.
ونىڭ ايتۋىنشا, قازٸرگٸ ۋاقىتتا بٸرنەشە ادامعا ارنالعان توپتىق ۆيزالار ەدەتتەگٸ تەرتٸپ بويىنشا بەرٸلٸپ جاتىر. "بۇل مەسەلەمەن وسىعان دەيٸن دە اينالىسقانبىز. بۇل بٸزدٸڭ قۇزىرەتٸمٸزدە ەمەس. مۇنىڭ قازاقستانعا قاتىسى جوق. وسىعان بايلانىستى كٶپ سۇراق قويىلدى. بۇرىن تٷسٸنٸسپەۋشٸلٸكتەر بولعان ەدٸ. قازٸر بارلىعى بۇل جايلى بٸلەدٸ, ەشقانداي تٷسٸنٸسپەۋشٸلٸك جوق, مەسەلە شەشٸلدٸ. بۇل سىرتقى ٸستەر مينيسترلٸگٸندەگٸلەردٸڭ ورتالىق اپپاراتتىڭ تاپسىرىسىمەن شامامەن 10 ەلدەگٸ ۆيزالىق ساياساتتى رەتتەۋگە باعىتتالعان جۇمىستارى", - دەدٸ باس كونسۋل.
سونداي-اق ول قازاقستانداعى سٸم ٶكٸلدەرٸنٸڭ وسى جاعدايعا بايلانىستى تٷسٸنٸك بەرگەنٸن دە ايتتى. الايدا Tengrinews.kz تٸلشٸسٸنٸڭ جەكە ۆيزالاردى قاشاننان باستاپ قايتا بەرٸلەتٸنٸ جايلى سۇراققا شەنەۋنٸك جاۋاپ بەرە المادى. "بٸلمەيمٸن. بۇل بٸزدٸڭ قۇزىرەتٸمٸزدە ەمەس", - دەدٸ ول. ايتا كەتەيٸك, وسىعان دەيٸن قىتايدىن قازاقستاندىق ازاماتتارعا جەكە ۆيزالاردى بەرۋدٸ توقتاتقانى جايلى حابارلانعان بولاتىن.
