Jangeldin aýylynda joǵalǵan otbasynyń isine qatysty áleýmettik jelide pikir bildirý arqyly tanylǵan bloger Túrkiia aýmaǵynda qolǵa túsip, Qazaqstanǵa ekstraditsiialandy, dep habarlaidy ult.kz.
Túrkiiada quryqtalǵan Atyraý oblysynyń turǵyny elge jetkizilgennen keiin Almaty qalasyndaǵy tergeý izoliatoryna ýaqytsha qamaýǵa alyndy. Tergeý organdarynyń taratqan resmi málimetine sáikes, kúdikti azamat 2024 jyldyń qyrkúiek pen jeltoqsan ailary aralyǵynda Instagram áleýmettik jelisi arqyly Atyraýdyń eki turǵynyn aldap soqqan. Ol osy ailasy arqyly jábirlenýshilerdiń 3 million teńgeden astam aqshalai qarajatyn zańsyz iemdengen dep aiyptalýda.
Atalǵan bloger buǵan deiin Jangeldin aýylynda izim-ǵaiym joǵalǵan otbasyna qatysty jazbalar jariialap, kópshilikke tanylǵan bolatyn. Ol jelidegi paraqshasynda joǵalǵan jandardy geolokatsiia derekteri, SIM-kartalar men qarjylyq operatsiialardyń izi arqyly ózi haker retinde izdestirip, jeke tergeý amaldaryn júrgizip jatqanyn alǵa tartqan. Alaida, quqyq qorǵaý organdary bul málimdemelerdi joqqa shyǵardy. Politsiia departamentiniń habarlaýynsha, ustalǵan azamat eshqandai da derbes izdestirý jumystaryn uiymdastyrmaǵan, tek resmi tergeý barysynda anyqtalǵan daiyn aqparattardy óz atynan jariialap otyrǵan.
