جانگەلدين اۋىلىندا جوعالعان وتباسىنىڭ ٸسٸنە قاتىستى ەلەۋمەتتٸك جەلٸدە پٸكٸر بٸلدٸرۋ ارقىلى تانىلعان بلوگەر تٷركييا اۋماعىندا قولعا تٷسٸپ, قازاقستانعا ەكستراديتسييالاندى, دەپ حابارلايدى ult.kz.
تٷركييادا قۇرىقتالعان اتىراۋ وبلىسىنىڭ تۇرعىنى ەلگە جەتكٸزٸلگەننەن كەيٸن الماتى قالاسىنداعى تەرگەۋ يزولياتورىنا ۋاقىتشا قاماۋعا الىندى. تەرگەۋ ورگاندارىنىڭ تاراتقان رەسمي مەلٸمەتٸنە سەيكەس, كٷدٸكتٸ ازامات 2024 جىلدىڭ قىركٷيەك پەن جەلتوقسان ايلارى ارالىعىندا Instagram ەلەۋمەتتٸك جەلٸسٸ ارقىلى اتىراۋدىڭ ەكٸ تۇرعىنىن الداپ سوققان. ول وسى ايلاسى ارقىلى جەبٸرلەنۋشٸلەردٸڭ 3 ميلليون تەڭگەدەن استام اقشالاي قاراجاتىن زاڭسىز يەمدەنگەن دەپ ايىپتالۋدا.
اتالعان بلوگەر بۇعان دەيٸن جانگەلدين اۋىلىندا ٸزٸم-عايىم جوعالعان وتباسىنا قاتىستى جازبالار جارييالاپ, كٶپشٸلٸككە تانىلعان بولاتىن. ول جەلٸدەگٸ پاراقشاسىندا جوعالعان جانداردى گەولوكاتسييا دەرەكتەرٸ, SIM-كارتالار مەن قارجىلىق وپەراتسييالاردىڭ ٸزٸ ارقىلى ٶزٸ حاكەر رەتٸندە ٸزدەستٸرٸپ, جەكە تەرگەۋ امالدارىن جٷرگٸزٸپ جاتقانىن العا تارتقان. الايدا, قۇقىق قورعاۋ ورگاندارى بۇل مەلٸمدەمەلەردٸ جوققا شىعاردى. پوليتسييا دەپارتامەنتٸنٸڭ حابارلاۋىنشا, ۇستالعان ازامات ەشقانداي دا دەربەس ٸزدەستٸرۋ جۇمىستارىن ۇيىمداستىرماعان, تەك رەسمي تەرگەۋ بارىسىندا انىقتالعان دايىن اقپاراتتاردى ٶز اتىنان جارييالاپ وتىرعان.
