قاراعاندى وبلىسىندا زاڭسىز شايان اۋلاپ, ونى ٸرٸ كٶلەمدە ساتۋمەن اينالىسقان ۇيىمداسقان توپتىڭ ەرەكەتٸ ەشكەرەلەندٸ. پوليتسەيلەر كٷدٸكتٸلەردەن جالپى سالماعى 2,5 توننادان اساتىن شايان تەركٸلەگەن. الدىن الا ەسەپ بويىنشا, مەملەكەتكە كەلتٸرٸلگەن شىعىن 20 ميلليون تەڭگەگە جۋىقتايدى, دەپ حابارلايدى ult.kz.
Polisia.kz مەلٸمەتٸنشە, زاڭسىز كەسٸپ پريوزەرسك قالاسىندا ۇيىمداستىرىلعان. قۇقىق قورعاۋ ورگاندارىنىڭ مەلٸمەتٸنشە, 23 پەن 50 جاس ارالىعىنداعى سەگٸز ادامنان تۇراتىن توپ شايانداردى زاڭسىز اۋلاپ, اسا ٸرٸ مٶلشەردە ساتۋمەن اينالىسقان دەگەن كٷدٸككە ٸلٸندٸ.
جەدەل-ٸزدەستٸرۋ جەنە تەرگەۋ شارالارى بارىسىندا تەرتٸپ ساقشىلارى 2 557 كەلٸ شاياندى تەركٸلەدٸ. سونىمەن قاتار زاتتاي دەلەل رەتٸندە 115 پاللەت, زاڭسىز اۋلانعان ٶنٸمدٸ تاسىمالداۋعا پايدالانىلدى دەگەن بولجام بار جٷك كٶلٸگٸ مەن «گازەل» اۆتوكٶلٸگٸ الىندى.
الدىن الا مەلٸمەت بويىنشا, كٷدٸكتٸلەردٸڭ زاڭسىز ەرەكەتٸنەن مەملەكەتكە شامامەن 20 ميلليون تەڭگە كٶلەمٸندە زالال كەلگەن.
اتالعان دەرەك بويىنشا قىلمىستىق ٸس قوزعالدى. ۇستالعان سەگٸز ادامنىڭ ەكەۋٸ ۋاقىتشا ۇستاۋ يزولياتورىنا قامالدى. قالعاندارىنا قاتىستى پروتسەسسۋالدىق ەرەكەتتەر جالعاسىپ جاتىر.
قازٸر تەرگەۋشٸلەر زاڭسىز كەسٸپتٸڭ بارلىق مەن-جايىن انىقتاپ, وعان قاتىسى بولۋى مٷمكٸن ٶزگە دە تۇلعالاردى ٸزدەستٸرٸپ جاتىر.