Erevandaǵy Bostandyq alańynda jappai tártipsizdikke qatysýshylar premer-ministr Nikol Pashiiannyń otstavkaǵa ketýin talap etti. Olar Úkimet basshysynyń Taýly Qarabaqqa bailanysty kelisimge qol qoiǵanyna narazy, - dep habarlaidy RIA Novosti.
Jinalǵandar Qarabaqta territoriiany bólip berip, soǵysty toqtatý týraly kelisimge qol qoiýdy "satqyndyq" dep sanaidy.
"Eger biz Nikoldy qýmasaq, halqymyzdyń namysy joq dep esepteledi", - dedi Armeniianyń eks-premeri Vazgen Manýkian.
Mitingige shyqqandar "Nikol - satqyn" dep aiǵai saldy. Olar arasynda politseilermen qaqtyǵysyp tur. Aktsiiaǵa qatysý úshin adamdar áli kelip jatyr.
Quqyqqorǵaýshylar da miting bolyp jatqan jerge jinalyp jatyr. Olar narazylyq bildirýshilerden alshaq tur. Ázirge IIM bólimsheleri qarýsyz, arnaiy tehnikasyz keldi.
"Dashnaktsýtiýn" partiiasynyń ókili qazirgi jaǵdaidan shyǵý úshin Ulttyq qutqarý komitetiniń qurylǵanyn málimdedi, biraq naqty aqparat aitpady.
Eske salaiyq, keshe Erevan ortalyǵynda myńdaǵan adam jinaldy. Olar Taýly Qarabaqtaǵy beibit kelisimge kelý men Ázerbaijanǵa territoriiany berý týraly málimdemege narazy boldy.
Armeniia premer-ministri Nikol Pashinian Resei jáne Ázerbaijan prezidentterimen Taýly Qarabaqtaǵy soǵysty 10 qarashaǵa qaraǵan túnde saǵat birde toqtatý týraly málimdemege qol qoiǵanyn aitty.
Ázerbaijan prezidenti Ilham Áliev Taýly Qarabaqtaǵy áskeri qimyldyń toqtatylýyna bailanysty halyqqa úndeý jasady. Álievtiń aitýynsha, Armeniia soǵysty toqtatý týraly qujatqa qol qoiyp, berilgenin moiyndady.
Sondai-aq búgin QR Syrtqy ister ministrligi Taýly Qarabaqtaǵy soǵys qimyldarynyń toqtatylýyna qatysty málimdeme jasady.
