Almaty qalasynda koronavirýs indetinen bir naýqas kóz jumdy. Ol 1956 jyly dúniege kelgen, - dep habarlaidy coronavirus2020.kz.
Almaty qalasy qoǵamdyq densaýlyq saqtaý basqarmasysynyń basshysy Tileýhan Ábildaevtyń cózinshe, Almatyda koronavirýs infektsiiasynan qaitys bolǵan áieldiń basqa da sozylmaly aýrýlary bolǵan.
Onyń aitýynsha, patsient bailanysta bolǵandar qatarynan, onyń oń taldaýy 16 naýryzda anyqtaldy. Qosymsha aýrýlary bolýyna bailanysty ol 18 naýryzda reanimatsiia jáne qarqyndy terapiia bólimshesine ornalastyryldy.
Naýqas, atap aitqanda, ókpeniń sozylmaly obstrýktivti aýrýlarymen, júrektiń sozylmaly jetkiliksizdigi men júrektiń ishemiialyq aýrýlarymen, stenokardiia, arteriialyq gipertenziia dertimen aýyratyn.
«Júrgizilgen qarqyndy terapiiaǵa qaramastan jaǵdai poliorgandyq jetkiliksizdiktiń – tynys alý, júrek-qan tamyrlarynyń damýyna bailanysty progressivti túrde nasharlady. 9 sáýirde qosymsha aýrýlarynyń údeýi aiasynda saǵat 23.20-da qan ainalymy toqtady. 30 minýt ishinde júrgizilgen reanimatsiialyq is-sharalar sátsiz bolyp, saǵat 23.50-de qaitys bolǵany anyqtaldy. Negizgi diagnozy: COVID-19 koronavirýstyq infektsiiasy, rastalǵan jaǵdai. Eki jaqty polisegmentti pnevmoniia, aýyr aǵymy. Eki jaqty plevrit. Ókpeniń isinýi, Laiella sindromy», - deidi Tileýhan Ábildaev.
Qazir Qazaqstanda koronavirýs juqqan 802 adam anyqtalǵan. Ministrlik juma kúni tańerteń 21 adamnan virýs tabylǵanyn habarlady.
60 adam dertten aiyqty. Qyzylorda oblysynda virýs juqtyrǵandar júzden asty.
Virýs juqtyrǵandar myna aimaqtarda:
- Nur-Sultan qalasy – 226
- Almaty qalasy – 122
- Qyzylorda oblysy – 104
- Aqmola oblysy – 61
- Qaraǵandy oblysy – 61
- Túrkistan oblysy – 34
- Soltústik Qazaqstan oblysy – 25
- Aqtóbe oblysy – 11
- Almaty oblysy – 10
- Atyraý oblysy – 45
- Shyǵys Qazaqstan oblysy – 6
- Jambyl oblysy – 45
- Shymkent qalasy – 31
- Batys Qazaqstan oblysy – 6
- Qostanai oblysy – 3
- Mańǵystaý oblysy – 9
- Pavlodar oblysy – 3
