الماتى قالاسىندا كوروناۆيرۋس ٸندەتٸنەن بٸر ناۋقاس كٶز جۇمدى. ول 1956 جىلى دٷنيەگە كەلگەن, - دەپ حابارلايدى coronavirus2020.kz.
الماتى قالاسى قوعامدىق دەنساۋلىق ساقتاۋ باسقارماسىسىنىڭ باسشىسى تٸلەۋحان ەبٸلداەۆتىڭ cٶزٸنشە, الماتىدا كوروناۆيرۋس ينفەكتسيياسىنان قايتىس بولعان ەيەلدٸڭ باسقا دا سوزىلمالى اۋرۋلارى بولعان.
ونىڭ ايتۋىنشا, پاتسيەنت بايلانىستا بولعاندار قاتارىنان, ونىڭ وڭ تالداۋى 16 ناۋرىزدا انىقتالدى. قوسىمشا اۋرۋلارى بولۋىنا بايلانىستى ول 18 ناۋرىزدا رەانيماتسييا جەنە قارقىندى تەراپييا بٶلٸمشەسٸنە ورنالاستىرىلدى.
ناۋقاس, اتاپ ايتقاندا, ٶكپەنٸڭ سوزىلمالى وبسترۋكتيۆتٸ اۋرۋلارىمەن, جٷرەكتٸڭ سوزىلمالى جەتكٸلٸكسٸزدٸگٸ مەن جٷرەكتٸڭ يشەمييالىق اۋرۋلارىمەن, ستەنوكاردييا, ارتەرييالىق گيپەرتەنزييا دەرتٸمەن اۋىراتىن.
«جٷرگٸزٸلگەن قارقىندى تەراپيياعا قاراماستان جاعداي پوليورگاندىق جەتكٸلٸكسٸزدٸكتٸڭ – تىنىس الۋ, جٷرەك-قان تامىرلارىنىڭ دامۋىنا بايلانىستى پروگرەسسيۆتٸ تٷردە ناشارلادى. 9 سەۋٸردە قوسىمشا اۋرۋلارىنىڭ ٷدەۋٸ اياسىندا ساعات 23.20-دا قان اينالىمى توقتادى. 30 مينۋت ٸشٸندە جٷرگٸزٸلگەن رەانيماتسييالىق ٸس-شارالار سەتسٸز بولىپ, ساعات 23.50-دە قايتىس بولعانى انىقتالدى. نەگٸزگٸ دياگنوزى: COVID-19 كوروناۆيرۋستىق ينفەكتسيياسى, راستالعان جاعداي. ەكٸ جاقتى پوليسەگمەنتتٸ پنەۆمونييا, اۋىر اعىمى. ەكٸ جاقتى پلەۆريت. ٶكپەنٸڭ ٸسٸنۋٸ, لايەللا سيندرومى», - دەيدٸ تٸلەۋحان ەبٸلداەۆ.
قازٸر قازاقستاندا كوروناۆيرۋس جۇققان 802 ادام انىقتالعان. مينيسترلٸك جۇما كٷنٸ تاڭەرتەڭ 21 ادامنان ۆيرۋس تابىلعانىن حابارلادى.
60 ادام دەرتتەن ايىقتى. قىزىلوردا وبلىسىندا ۆيرۋس جۇقتىرعاندار جٷزدەن استى.
ۆيرۋس جۇقتىرعاندار مىنا ايماقتاردا:
- نۇر-سۇلتان قالاسى – 226
- الماتى قالاسى – 122
- قىزىلوردا وبلىسى – 104
- اقمولا وبلىسى – 61
- قاراعاندى وبلىسى – 61
- تٷركٸستان وبلىسى – 34
- سولتٷستٸك قازاقستان وبلىسى – 25
- اقتٶبە وبلىسى – 11
- الماتى وبلىسى – 10
- اتىراۋ وبلىسى – 45
- شىعىس قازاقستان وبلىسى – 6
- جامبىل وبلىسى – 45
- شىمكەنت قالاسى – 31
- باتىس قازاقستان وبلىسى – 6
- قوستاناي وبلىسى – 3
- ماڭعىستاۋ وبلىسى – 9
- پاۆلودار وبلىسى – 3
