Ақпан айының 12 мен 13 аралығында жаңа салынған «QAZAQSTAN» жеңіл атлетика кешенінде «Nur-Sultan Open 2021» ашық қала чемпионаты өтеді, деп хабарлайды "Ұлт ақпарат" қала әкімдігінің ресми сайтына сілтеме жасап.
Бұл жарыс жаңа кешен қабырғасындағы алғашқы спорттық іс-шара болмақ. Чемпионатқа еліміздің әр аймағынан 100-ден астам спортшы қатысады.
Іс-шара санитарлық нормалар толығымен сақтала отырып өтеді.
Еске сала кетейік, жаңа кешен өткен жылдың қараша айында ашылған, барлық халықаралық талаптарға сай және World Atletics сертификатына ие болып саналады.
