Польшадан Украинадағы қазақстандықтар мінген төртінші рейс ұшып шықты, деп хабарлайды ҚазАқпарат.
Сыртқы істер министрлігі таратқан мәліметке сенсек, 9 наурызда Нұр-Сұлтан уақыты бойынша сағат 23:05-те Катовице қаласынан (Польша) Қазақстанға Украинадан эвакуацияланған ҚР азаматтарымен төртінші репатриациялық рейс ұшқан.
Ұшақ Нұр-Сұлтан қаласына қонады деп күтіліп отыр.
Ұшақта 155 жолаушы, оның ішінде 7 сәби бар.
Бұған дейінгі үшінші рейс те Нұр-Сұлтанға қонған болатын.
