Қазақстан Тәуелсіздігіне 25 жыл

Солтүстік Қазақстан облысында бұрқасын соғып тұр

Солтүстік Қазақстан облысында бұрқасын соғып тұр

Солтүстік Қазақстан облысында 23 ақпанда күн райы бұзылды, деп хабарлайды "Ұлт ақпарат".

Таңертеңнен жел тұрып, боран соқты. 11:30-да аймақтағы барлық жол жабылды. Түске таман айтарлықтай күшейді. 

«Облыс бойынша бұрқасын соғып тұр. Тайынша ауданында желдің жылдамдығы секундына 32 метрге, Петропавлда секундына 25 метрге жетеді. Циклон оңтүстік-батыстан келді. Ертең циклон шығысқа қарай жылжиды және жел басылады. Арктикалық антициклон тыл жағына ауысады. Бұл ауа температурасының төмендеуіне әкеледі», – деді «Қазгидромет» РМК филиалы директорының орынбасары Наталия Левина. 

24 ақпанда өңірде бұрқасын болады. Солтүстік-шығыстан соққан желдің жылдамдығы секундына 15-20 метр, кей жерлерде секундына 23-28 метр, ұйытқуы секундына 30 метрге жетеді. Ауа температурасы күндіз 17-22 градус аяз, түнде минус 20-25 градус. 

25 ақпанда кей жерлерде жаяу бұрқасын, қар жауады. Солтүстік-батыстан 9-14 метр жылдамдықпен жел соғады, кей жерлерде секундына 15-20 метр жылдамдықпен соғады. Күндіз минус 23-28 градусқа дейін суытады, түнде – 30-35 аяз болады. 

26 ақпанда ауа райы жауын-шашынсыз, солтүстік-батыстан секундына 9-14 метр жылдамдықпен жел соғады. Ауа температурасының күндіз минус 23-28 градусқа дейін, түнде 33-38 градусқа дейін төмендеуі болжануда.