Қазақстан Тәуелсіздігіне 25 жыл

Soltústik Qazaqstan oblysynda burqasyn soǵyp tur

Soltústik Qazaqstan oblysynda burqasyn soǵyp tur

Soltústik Qazaqstan oblysynda 23 aqpanda kún raiy buzyldy, dep habarlaidy "Ult aqparat".

Tańerteńnen jel turyp, boran soqty. 11:30-da aimaqtaǵy barlyq jol jabyldy. Túske taman aitarlyqtai kúsheidi. 

«Oblys boiynsha burqasyn soǵyp tur. Taiynsha aýdanynda jeldiń jyldamdyǵy sekýndyna 32 metrge, Petropavlda sekýndyna 25 metrge jetedi. Tsiklon ońtústik-batystan keldi. Erteń tsiklon shyǵysqa qarai jyljidy jáne jel basylady. Arktikalyq antitsiklon tyl jaǵyna aýysady. Bul aýa temperatýrasynyń tómendeýine ákeledi», – dedi «Qazgidromet» RMK filialy direktorynyń orynbasary Nataliia Levina. 

24 aqpanda óńirde burqasyn bolady. Soltústik-shyǵystan soqqan jeldiń jyldamdyǵy sekýndyna 15-20 metr, kei jerlerde sekýndyna 23-28 metr, uiytqýy sekýndyna 30 metrge jetedi. Aýa temperatýrasy kúndiz 17-22 gradýs aiaz, túnde minýs 20-25 gradýs. 

25 aqpanda kei jerlerde jaiaý burqasyn, qar jaýady. Soltústik-batystan 9-14 metr jyldamdyqpen jel soǵady, kei jerlerde sekýndyna 15-20 metr jyldamdyqpen soǵady. Kúndiz minýs 23-28 gradýsqa deiin sýytady, túnde – 30-35 aiaz bolady. 

26 aqpanda aýa raiy jaýyn-shashynsyz, soltústik-batystan sekýndyna 9-14 metr jyldamdyqpen jel soǵady. Aýa temperatýrasynyń kúndiz minýs 23-28 gradýsqa deiin, túnde 33-38 gradýsqa deiin tómendeýi boljanýda.