Петропавлда полиция 1990 жылы туған жүзу жаттықтырушысын күшті әсер ететін препараттардың заңсыз айналымына қатысы бар деген күдікпен ұстады, деп хабарлайды ult.kz.
Одан рецептісіз алынған «Прегабалин» препаратының 4 блистері — 56 таблетка тәркіленді. Медициналық куәландыру оның каннабиноидтар қолданғанын көрсетті.
Полицейлер препарат сатып алынған дәріхананы да анықтады. 40 жастағы фармацевтке қатысты күшті әсер ететін заттардың заңсыз айналымы бойынша қылмыстық іс қозғалды.
