Павлодар облысының Баянауыл ауданындағы «Майкубен Вест» кәсіпорнында өндірістік оқиға салдарынан жұмысшы қаза тапты, деп хабарлайды ult.kz.
Бұл ақпаратты облыстық мемлекеттік еңбек инспекциясы департаменті растады. Ведомствоның мәліметінше, 1984 жылы туған тау-кен шебері алдын ала бұрғылау-жару жұмыстарын жүргізу кезінде ауыр жарақат алған.
«24 шілдеде Баянауыл ауданындағы "Майкубен Вест" ЖШС аумағында алдын ала бұрғылау-жару жұмыстарын жүргізу барысында 1984 жылы туған тау-кен шебері қаза тапты», – деді мемлекеттік еңбек инспекциясы департаментінің басшысы Асқар Қапанов.
Қазіргі уақытта оқиғаға байланысты арнайы тергеу басталды. Жазатайым оқиғаның нақты себептері мен мән-жайы анықталып жатыр.
